مەملەكەتتiك قىزمەت كورسەتۋ ورتالىعى – «فرونت-وفيس» جوباسى ءوز جۇمىسىن باستادى. ورتالىقتىڭ اشىلۋ سالتاناتىنا وبلىس اكiمi جانسەيiت تۇيمەباەۆ قاتىستى.

«فرونت وفيس» – تۇتىنۋشىلار مەن تاپسىرىس بەرۋشi تاراپتىڭ جۇمىسىن جەڭiلدەتۋگە ارنالعان ۇيىم. وبلىس ورتالىعىنداعى ت.رىسقۇلوۆ كوشەسiندە ورنالاسقان بۇل وفيستە قالالىق اكiمدiك تاراپىنان كورسەتiلەتiن مەملەكەتتiك قىزمەتتەردiڭ بارلىق ءتۇرiن «بiر تەرەزە» جۇيەسi ارقىلى ۇسىنادى. ورتالىقتا 400-گە جۋىق قىزمەت تۇرلەرi كورسەتiلەتiن بولادى. اتاپ ايتساق، جەردi راسiمدەۋ، جەردi پايدالانۋدىڭ ماقساتىن وزگەرتۋ، قۇرىلىس جۇمىستارىنا رۇقسات الۋ سەكiلدi كوپتەگەن قىزمەتتەردi پايدالانۋ ءۇشiن ەندi وسى ورتالىقتىڭ كومەگiنە جۇگiنۋگە بولادى.

– «Front office» قۇرۋ يدەياسى – جاقسى باستاما. ەندi ورتالىقتى حالىققا كەڭiنەن تانىستىرىپ، ناسيحات جۇمىستارىن قولعا الۋىمىز كەرەك. وبلىسقا قاراستى بارلىق اۋدان، قالا اكiمدiكتەرiنiڭ ماماندارى وسىندا كەلiپ ۇيرەنiپ، تاجiريبە الماسۋى قاجەت. وسىلايشا، تولىقتاي اشىقتىقتا جۇمىس iستەپ، حالىققا قىزمەت جاساۋىمىز كەرەك، – دەدi وبلىس اكiمi جانسەيiت تۇيمەباەۆ.

مامانداردىڭ ايتۋىنشا، مەملەكەتتiك قىزمەت كورسەتۋدiڭ بۇل ءتۇرi, اسiرەسە، بيزنەستە جۇرگەن ازاماتتار ءۇشiن تيiمدi بولماق. «فرونت-وفيس» جۇيەسi ءوتiنiش يەسiنiڭ قۇجاتتارىن قابىلداۋ كەزiندە ارنايى باقىلاۋ كودى ارقىلى بەرiلiپ، تiركەۋگە الىنعان قۇجات شتريح كود ارقىلى اكiمدiكتiڭ تيiستi بولiمiنە جونەلتiلەدi. ءوتiنiش قىسقا مەرزiمدە قارالعان سوڭ جاۋابى «فرونت-وفيسكە» جولدانىپ، ودان ءارi تۇرعىندارعا بەرiلەدi نەمەسە ءوتiنiش يەسiنiڭ ەلەكتروندى مەكەنجايىنا جiبەرiلەدi. سونداي-اق، ءوتiنiش يەلەرiنiڭ باقىلاۋ كودى ارقىلى ءوتiنiشتiڭ قارالۋ بارىسى جونiندە مالiمەت الۋلارىنا مۇمكiندiگi بار.

شىمكەنت قالاسىنىڭ اكiمi عابيدوللا ءابدiراحىموۆ بۇل ورتالىقتا ينۆەستورلار ءۇشiن دە مۇمكiندiكتەر قاراستىرىلعانىن اتاپ ءوتتi. قالاعا ينۆەستيتسيا قۇيامىن دەگەن كەز كەلگەن ينۆەستور ءۇشiن ارنايى زال، عالامتور جەلiسiنە قوسىلعان كومپيۋتەرلەر مەن اۋدارماشى قىزمەت كورسەتەدi.

بۇل جوبا تۋرالى ورتالىقتىڭ رەسمي سايتى نەمەسە بايلانىس ورتالىعىنىڭ 545-545 تەلەفونىنا قوڭىراۋ شالۋ ارقىلى اقپارات الۋعا بولادى.

Abai.kz