بەيسەنبى, 28 ناۋرىز 2024
جاڭالىقتار 4224 0 پىكىر 30 قازان, 2016 ساعات 20:20

كەنتاۋدا الىپ ترانسفورماتور قۇراستىرىلىپ شىعارىلدى

وسى ۋاقىتقا دەيىن كەنتاۋ ترانسفورماتور زاۋىتىندا  قۇراستىرىلعان ترانسفورماتوردىڭ ەڭ قۋاتتىسى 63 مەگاۆاتتىققا دەيىنگى بولاتىن.   

ءوڭىرىمىزدىڭ عانا ەمەس، ەلىمىزدىڭ بەتكە ۇستار مەكەمەسى - كەنتاۋ ترانسفورماتور زاۋىتى قازاقستاندا تۇڭعىش رەت 80 مەگاۆاتتىق ترانسفورماتوردى قۇراستىرىپ شىعاردى. بۇل جەمىستى ەڭبەك تەك زاۋىتتا عانا ەمەس، رەسپۋبليكادا ورىن الىپ وتىرعان تاريحي جاڭالىق دەۋگە بولادى.

ءبىر داناسىنىڭ ءوزى كەنتاۋ سەكىلدى 10 اۋداندى ەلەكتر قۋاتىمەن قامتي الاتىن الپاۋىت ترانسفورماتورعا قازىرگى تاڭدا 4 تاپسىرىس تۇسكەن.

باسشىلىقتىڭ بىلىكتىلىگى مەن شەبەر ۇيىمداستىرۋشىلىق قابىلەتىنىڭ ارقاسىندا كەنتاۋ ترانسفورماتور زاۋىتىنىڭ ۇجىمى وتكەن جىلى ۇزدىك كورسەتكىشتەرگە قول جەتكىزدى. ءونىم كولەمى مەجەلەنگەن جوسپاردان ارتىق ورىندالىپ، 11 ملرد تەڭگەگە جەتتى.

2015 جىلدىڭ جىرتى جىلدىعىندا ەكسپورت كولەمى 33 پايىزعا وسسە، بيىل بۇل كورسەتكىش 40 پايىزعا كوتەرىلىپ وتىر. الداعى ۋاقىتتا ەكسپورتتى 50 پايىزعا جەتكىزۋ جوسپارلاپ وتىرعان زاۋىتتا 1100 قالا تۇرعىنى ءۇش اۋىسىمدا تۇراقتى ەڭبەك ەتەدى.

وسىلايشا، داعدارىستان دامۋعا بەت العان زاۋىت قازىردىڭ وزىندە 2017 جىلعى قاڭتار ايىنا دەيىن جەتەتىن تاپسىرىستار قابىلداپ، كەلىسىم-شارتتار جاساسىپ قويعان. تاپسىرىس بەرۋشىلەردىڭ كوپشىلىگى شەت ەلدىك كومپانيالار. ءتىپتى، كەيبىر مەملەكەتتەر 3 جىلعا دەيىن كەلىسىم-شارتقا وتىرعان.

«ەۋرازيالىق ەكونوميكالىق وداقتىڭ» جەمىسىن  كورىپ وتىرعان بىردەن-ءبىر كومپانيا جاقىندا عانا بەلورۋسسيا مەملەكەتىنەن تاپسىرىس الدى. بۇل تاريحتا بولماعان وقيعا. سونداي-اق، رەسەي، قىرعىزستان، وزبەكستان جانە وزگە دە ەلدەردەن تاپسىرىستاردىڭ كولەمى ارتىپ كەلەدى.

جاڭا تەحنيكامەن جاراقتاندىرىلۋعا جانە جاڭا ءونىم شىعارۋعا زاۋىت باسشىلىعى ءاردايىم باسىمدىق بەرەدى. كەڭەس وداعى تۇسىنداعى جابدىقتار قازىر جارامسىز. سوندىقتان زاۋىت قۇرىلعالى بەرى مۇنداعى تەحنولوگيانىڭ بارلىعى تۇگەلىمەن جاڭارتىلعان. ءوندىرىس كولەمى 20 جىلدا 20 ەسەگە ءوستى. 2014 جىلى - 26, 2015 جىلى - 36 جاڭا ءونىم ءتۇرى شىعارىلسا، 2016 جىلى - 42 جاڭا ءونىم ءتۇرىن شىعارۋ جوسپارلانىپ وتىر.

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516