جۇما, 29 ناۋرىز 2024
جاڭالىقتار 3518 0 پىكىر 30 قازان, 2016 ساعات 20:27

وڭتۇستىكتەن - استاناعا...

وڭتۇستىك قازاقستان وبلىسىندا قوڭىر كۇزدىڭ جايماشۋاق كۇندەرى ءالى ساقتالىپ تۇر. ال استاناعا العاشقى قار ءتۇستى. ەكى ءوڭىردىڭ اۋا رايىندا ۇلكەن ايىرماشىلىق بار. استانا – ەل جۇرەگى بولسا، وڭتۇستىك ەل ازاماتتارىن ازىق-تۇلىكپەن قامتۋعا ىڭعايلى ءوڭىر سانالادى. بيىل، ءوڭىر ديقاندارى داقىلدىڭ قاي تۇرىنەن بولماسىن جاقسى ءونىم الدى. سونىڭ ارقاسىندا جۋىردا وڭتۇستىكتەن الماتىعا اۋىلشارۋاشىلىق ونىمدەرىنىڭ كەرۋەنى بارىپ قايتسا، بۇل جولى استاناعا جول تارتتى. نەگىزگى سەبەپ - وڭتۇستىك قازاقستان وبلىسىنىڭ استاناداعى كۇندەرى اياسىندا ونەركاسىپ وندىرۋشىلەردىڭ كورمەسى مەن اۋىل شارۋاشىلىعى ونىمدەرىنىڭ جارمەڭكەسىنىڭ ءوتۋى. وسى جارمەڭكەگە وراي كەشە شىمكەنتتەن استاناعا 300 توننادان استام اۋىل شارۋاشىلىعى ونىمدەرىن «ارقالاعان» كەرۋەن جولعا شىقتى. بۇيىرتسا، 15-16 قازان كۇندەرى «حان شاتىر» ساۋدا-ويىن-ساۋىق ورتالىعى ماڭىندا وتەتىن اۋىل شارۋاشىلىعى جارمەڭكەسىنە وڭتۇستىكتىڭ 50-دەن استام تاۋار وندىرۋشىلەرى ساپالى ءارى بالعىن ونىمدەرىن ۇسىنباق.

وڭتۇستىك قازاقستان وبلىس اكىمىنىڭ ءباسپاسوز قىزمەتىنىڭ حابارلاۋىنشا جالپى كولەمى 304 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 126 توننا كوكونىس، 29 توننا جەمىس-جيدەك، 7 توننا ءسۇت ونىمدەرى، 5 توننا شۇبات، 25 مىڭ دانا جۇمىرتقا، 40 توننا باقشا ونىمدەرى، 7 توننا بالىق، 7 توننا بال، 3 توننا وسىمدىك مايى مەن 5 توننا كەپتىرىلگەن جەمىس جانە 15 توننا باسقا دا ونىمدەر بار. مەرەيتويعا تارتۋ رەتىندە بۇل ونىمدەر استانالىقتارعا نارىقتاعى باعادان 15-20 پايىزعا دەيىن ارزان ساتىلماق.

جولعا شىققان كەرۋەن ارتقان اۋىل شارۋاشىلىق ونىمدەرىنىڭ جالپى قۇنى 100,8 ميلليون تەڭگەنى قۇرايدى. ەكولوگيالىق تازا تابيعاتتا وندىرىلگەن، ءدامى ءتىل ۇيىرەر ونىمدەر استانالىقتار مەن قالا قوناقتارىن ءبىر قۋانتاتىنى انىق. 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3553