جۇما, 29 ناۋرىز 2024
جاڭالىقتار 3884 0 پىكىر 30 قازان, 2016 ساعات 22:18

تولەبي اۋدانىندا جولدار كەڭەيتىلىپ، كوشەلەر جارىقتاندىرىلۋدا

وڭتۇستىك قازاقستان وبلىسى تولەبي اۋدانىندا كولىك جولدارى كەڭەيتىلىپ، كوشەلەردى جارىقتاندىرۋ جۇمىستارى قارقىن الۋدا، دەپ حابارلايدى «Abai.kz» پورتالى اۋدان اكىمدىگىنىڭ ءباسپاسوز قىزمەتىنە سىلتەمە جاساپ.

«بۇعان دەيىن باتپاققا باتىپ جۇرگەن وقۋشىلار مەكتەپكە اسفالت جاياۋجولىمەن قاتىنايتىن بولدى. «بىركولىك» دەمالىس ايماعىنداعى كوشەلەر قوس تاراپتاعى كولىكتىڭ ءبىر مەزەتتە ءوتۋى ءۇشىن تارلىق ەتەتىن. ەنى 6 مەتر بولاتىن جولدار 9 مەترگە دەيىن كەڭەيتىلىپ، اسفالت توسەلۋدە. ءتۋريزمدى دامىتۋعا قولايلى اۋداننىڭ دەمالىس ورىندارىنا كەلۋشىلەر ەندى ەش كەدەرگىسىز سەرۋەندەيتىن بولدى»، - دەلىنگەن تاراتىلعان حابارلامادا.

كوشەنى كەڭەيتۋدى اۋىل تۇرعىندارى دا قولدايدى. ۇسىنىسقا قارسىلىق بىلدىرمەستەن، شارباقتارىن ءوز ەركىمەن بۇزىپ، قورشالعان جەردى ەل يگىلىگىنە بەرۋدە. كوپۇلتتى ۇلىستار مەكەندەگەن تاۋلى ايماقتىڭ تاتۋ جۇرتى «بولاشاعىمىز - بىرلىكتە» دەگەندى ايتادى.

تولەبيدى كوركەيتۋ جۇمىستارى مۇنىمەن شەكتەلمەيدى. اۋدان اۋىلدارىندا قازىر كوشەلەرگە ارنايى جارىقشامدار ورناتىلۋدا. جول بويىنداعى قورشاۋلارعا دا ءار كىرگەن، ولار كۇردەلى جوندەۋدەن ءوتىپ، سىرلاندى. ويدىم-ويدىم جولدار دا جوندەلدى. وسىلايشا تولەبي اۋدانىندا حالىققا ەڭ قاجەتتى دۇنيەلەر شەشىمىن تاۋىپ، ىرگەلى ىستەر اتقارىلۋدا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601