استانا قالاسىندا قازاننىڭ 10-ى مەن قاراشا ايىنىڭ 4-ءى ارالىعىندا ىلەسپە اۋدارما جۇرگىزۋ شەبەرلىك كلاستارى وتەدى. بۇل تۋرالى اباي-اقپارات  قازاقستان رەسپۋبليكاسى مادەنيەت جانە سپورت مينيسترلىگىنە قاراستى ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعىنىڭ مالىمەتىنە سۇيەنە وتىرىپ حابارلايدى.  

قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ مەملەكەتتىك تاپسىرماسى بويىنشا ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى «قازاقستان رەسپۋبليكاسىندا تىلدەردى دامىتۋ مەن قولدانۋدىڭ 2011-2020 جىلدارعا ارنالعان مەملەكەتتىك باعدارلاماسى» اياسىندا مەملەكەتتىك ءتىلدىڭ قولدانىس دەڭگەيىن كەڭەيتۋ، ىلەسپە اۋدارماشىلاردىڭ بىلىكتىلىگىن ارتتىرۋ ماقساتىندا وسى جىلعى           31 قازان  مەن  4 قاراشا ارالىعىندا  قازاقشا-ورىسشا، ورىسشا-قازاقشا ىلەسپە اۋدارما جۇرگىزۋدى ۇيرەتۋدىڭ  2- كەزەڭىنىڭ شەبەرلىك كلاستارىن وتكىزەدى.

اتالعان شەبەرلىك كلاستارىنىڭ ماقساتى قازاقشادان ورىسشاعا جانە ورىسشادان قازاقشاعا ىلەسپە اۋدارماشىلاردىڭ بىلىكتىلىگىن ارتتىرۋ بولىپ تابىلادى.

شەبەرلىك كلاستارىندا اۋدارما تەورياسى، جازباشا جانە اۋىزشا اۋدارما ەرەكشەلىكتەرى، ىلەسپە اۋدارماشىعا قاجەتتى بازالىق گرامماتيكالىق جانە فرازەولوگيالىق مودەلدەر، سوزدىك قوردى بايىتۋ جۇمىستارى بويىنشا دارىستەر وقىلادى. سونىمەن قاتار، اۋدارماشى ماماندارعا اۋدارما تەورياسى مەن پراكتيكاسىنىڭ جانە اۋدارماتانۋدىڭ وزەكتى ماسەلەلەرى شەڭبەرىندە وقۋ-ادىستەمەلىك كومەك كورسەتىلىپ، اۋدارما سالاسىنداعى عالىم ماماندار وزىق تاجىريبەسىمەن بولىسەدى.

شەبەرلىك ساباقتارىن بەلگىلى اۋدارماشى، فيلولوگيا عىلىمدارىنىڭ كانديداتى كامال الپەيىسوۆا جۇرگىزەدى.

شەبەرلىك كلاستارىنا عالىمدار، اۋدارما سالاسىنىڭ ماماندارى، مينيسترلىكتەر مەن اكىمدىكتەردىڭ، وبلىستىق، قالالىق  تىلدەردى دامىتۋ باسقارمالارىنىڭ، مەملەكەتتىك جانە مەملەكەتتىك ەمەس مەكەمەلەردىڭ ىلەسپە اۋدارماشىلارى قاتىسادى. قاتىسۋشىلارعا بىلىكتىلىك سەرتيفيكاتتارى تابىستالادى. 

بايلانىس تەلەفوندارى:

فاكس: 8 (7172) 408397;

تەل: 8 (7172) 408393 (جۇمىس); 87472642646; 87013198887

اباي-اقپارات