بەيسەنبى, 28 ناۋرىز 2024
قورعان 5949 0 پىكىر 31 قازان, 2016 ساعات 16:20

كەيكى باتىردىڭ باسى قاشان جەرلەنەدى؟

انتروپولوگيالىق ساراپتاما جاساۋ ءۇشىن 12 قازاندا ۆەنگريانىڭ جاراتىلىستانۋ مۇراجايىنا جىبەرىلگەن كەيكى باتىردىڭ باس سۇيەگىن الماتىعا اكەلىپتى دەپ جازادى، azattyq.org. باسسۇيەك ول جاققا باتىردىڭ بەت-بەينەسىن قالپىنا كەلتىرۋ ءۇشىن جىبەرىلگەن ەكەن. ال، باتىردىڭ باس سۇيەگى قاشان جانە قايدا جەرلەنەتىنى ءالى بەلگىسىز. ورتالىق مەملەكەتتىك مۇراجاي ديرەكتورى نۇرسان ءالىمبايدىڭ ۇكىمەت باتىردىڭ جەرلەۋ ماسەلەسىن شەشكەنشە باسسۇيەگىن ورتالىق مۇراجايدا ساقتالادى دەپتى. ازىرگە ۇكىمەتتىڭ كەيكى باتىردىڭ باس سۇيەگىن جەرلەۋگە قاتىستى قانداي شەشىم جاساعانى ياكي بۇل ماسەلەنى كىمدەر، قالاي تالقىلاپ جاتقانىنان حابار جوق.

بۇرىنعى پرەمەر مينيستر، قازىرگى ۇقك توراعاسى كارىم ءماسىموۆ تامىز ايىندا رەسەي پرەمەر ءمينيسترى مەدۆەدەۆپەن كەزدەسۋدە كەنەسارى حان مەن كەيكى باتىردىڭ باستارىن ەلگە قايتارۋ ماسەلەسىن كوتەرەتىنىن تۆيتتەردە جاريالاپ، سول كەزدە قوعامدا ۇلكەن اڭگىمەگە نەگىز بولعان. سودان رەسەي تارابى قازان ايىنىڭ باسىندا كەيكىنىڭ باس سۇيەگىن قازاقستانعا قايتارعان. بىراق، ۇكىمەت تاراپىنان باتىردىڭ باس سۇيەگىن كۇتىپ الۋ شارالارى ۇيىمداستىرىلعان جوق. ۇكىمەت مۇنداي تاريحي ءساتتى ۇتىمدى پايدالانبادى دەپ ساراپشىلاپ دا پىكىر ايتقانىمەن ۇكىمەت ەلەڭ قىلعان جوق. ءسويتىپ، باسسۇيەك الماتىداعى ورتالىق مۇراجايعا جەتكىزىلگەن ەدى. قازىر دە سول مۇراجاي تۇر.

كەيكى (نۇرماعامبەت) كومەكبايۇلى، باتىر، مەرگەن، 1916 جىلعى ۇلت-ازاتتىق كوتەرىلىسى قاھارماندارىنىڭ ءبىرى. قوستاناي وبلىسى امانكەلدى اۋدانىنىڭ بايتۋما قوپاسىندا دۇنيەگە كەلگەن. ول تورعايدا قىزىل اسكەر قولىنان ايۋاندىقپەن ولتىرىلگەن. قازاقستانعا قايتارىلعانعا دەيىن باتىردىڭ باسى سانكت-پەتەربۋرگتەگى انتروپولوگيالىق قوردىڭ كۋنستكامەراسىندا ساقتالىپ كەلگەن.

نۇرا ماتاي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525