جۇما, 29 ناۋرىز 2024
جاڭالىقتار 4556 0 پىكىر 1 قاراشا, 2016 ساعات 10:15

وقو-دا بوس ءماسليحات دەپۋتاتتارىنىڭ ورنىنا حالىق قالاۋلىلارى سايلاندى

وڭتۇستىك قازاقستاندا وبلىستىق جانە تۇركىستان قالالىق ءماسليحاتتارىنان شىعىپ قالعان دەپۋتاتتاردىڭ ورنىنا حالىق قالاۋلىلارىن سايلاۋ ناۋقانى 30 قازان كۇنى اياقتالىپ، جەڭىمپاز دەپۋتاتتاردىڭ ەسىمى بەلگىلى بولدى. بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن بريفينگتە وبلىستىق اۋماقتىق سايلاۋ كوميسسياسىنىڭ توراعاسى الىبەك ومىراليەۆ حابارلادى.

«كەشە، 30 قازان كۇنى وتكەن سايلاۋ قورىتىندىسى بويىنشا وڭتۇستىك قازاقستان وبلىستىق ءماسليحاتىنىڭ دەپۋتاتتىعىنا ماقتارال اۋدانى №25 وبلىستىق سايلاۋ وكرۋگى بويىنشا 93,7 پايىز باسىمدىقپەن (23695 داۋىس) دجامالوۆ باۋىرجان سالدارۇلى جەڭىپ شىقسا، تۇركىستان قالالىق ماسليحاتتىعىنا تۇركىستان قالاسى №13 قالالىق سايلاۋ وكرۋگى بويىنشا مۋستاپاەۆ ەرجان حابيبۋللاۇلى 91,3 پايىز داۋىسپەن (4913 داۋىس) باسىم ءتۇستى. قوسىمشا ايتارىم، سايلاۋعا دايىندىق پەن ونى وتكىزۋ بارىسىندا سايلاۋشىلار مەن سەنىمدى وكىلدەر، جالپى سول جەردەگى تۇرعىندار تاراپىنان سايلاۋ كوميسسيالارىنا ارىز-شاعىمدار تۇسكەن جوق. سايلاۋ قر سايلاۋ تۋرالى تالاپتارىنىڭ زاڭىنا ساي وتكىزىلدى»، - دەدى ءا.ومىراليەۆ.

ءباسپاسوز ءماسليحاتىندا ءا.كادەنۇلى جاڭادان سايلانعان دەپۋتاتتاردىڭ ءومىربايانىنا قىسقاشا توقتالدى. ايتۋىنشا، وبلىستىق ءماسليحات دەپۋتاتى بولىپ سايلانعان دجامالوۆ باۋىرجان سالدارۇلى 1971 جىلى تۋعان. شىمكەنت قالاسىنىڭ تۇرعىنى «جالتىربۇلاق» اق ديرەكتورلارى كەڭەسىنىڭ جانە «نۇر وتان» پارتياسىنىڭ مۇشەسى بولىپ تابىلادى. ال تۇركىستانداعى سايلاۋدا ايقىن داۋىسپەن باسىم بولعان مۋستاپاەۆ ەرجان حابيبۋللاۇلى 1981 جىلى تۋعان. جۇينەك اۋىلدىق وكرۋگ اكىمىنىڭ كەڭەسشىسى بولعان. حالىق قالاۋلىسى تۇركىستان قالاسى، قىزىل جول ەلدى مەكەنىندە تۇرادى.

جالپى، كەشەگى وتكەن سايلاۋدا وبلىستىق ءماسليحات دەپۋتاتتىعى بويىنشا 25 مىڭنان استام سايلاۋشىلاردىڭ اراسىندا 3 ۇمىتكەر باق سىناسسا، تۇركىستان قالالىق ءماسليحاتىنا 6,5 مىڭنان استام سايلاۋشىلاردىڭ ىشىندە 4 كانديدات سىنعا ءتۇستى.

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1564
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3540