قر ورتالىق كوممۋنيكا­تسيالار قىزمەتىنىڭ  وڭىرلىك بولىم­شەسىندە الماتى قالا­لىق كاسىپ­كەرلىك جانە يندۋستريالدى-يننو­ۆاتسيالىق دامۋ باسقارما­سىنىڭ باس­شىسى الماس ماديەۆ  ەلباسى جولداۋىن ىسكە اسىرۋعا وراي، «قازاقستان جاڭا جاھان­دىق ناقتى احۋالدا: ءوسىم، رەفورما­لار، دامۋ»، ءىV باعىت، «بيزنەستىڭ جول كار­تاسى-2020»، ەلىمىزدىڭ يندۋس­تريالدى-يننوۆاتسيالىق دامۋىنىڭ  2015-2019  جىل­دارعا ارنالعان باعدارلا­ماسىمەن اتقا­رىلعان بىرقا­تار  جۇمىستاردىڭ جاي-جاپسارىنا توقتالدى. 

ء باسپاسوز ءماسليحاتى بارىسىندا شاھا­رىمىزدىڭ شاعىن جانە ورتا بيزنەسى، ساۋدا، قىزمەت كورسەتۋ سالاسى مەن يندۋستريالدى-يننوۆاتسيالىق دامۋدىڭ نەگىزگى كورسەت­كىشتەرى جاريا ەتىلدى.   باسقارما باسشىسى قالامىزداعى شاعىن جانە ورتا بيزنەستىڭ تۇراقتى ءوسۋى بايقالاتىنىن ايتىپ، بيز­نەستىڭ دامۋىنا مەملەكەتتىك قولداۋدىڭ قارجىلىق جانە قارجىلىق ەمەس شارالارى ىقپال ەتەتىنىن ءبىلدىردى. ماسەلەن، «بيزنەستىڭ جول كارتاسى-2020» باعدارلاماسىمەن بيىل ەل قورجىنىنان 3,2 ملرد. تەڭگە ءبولىنىپ،  بيىلعى 10 ايدا 249 جوباعا قولداۋ كورسەتىلگەن. بۇل كورسەتكىش بىلتىرعىمەن سالىستىرعاندا، باسىم، «بيزنەستىڭ جول كارتاسى-2020» باعدارلاماسى جوباسىنىڭ سانى – 2,5 ەسە، الىنعان نەسيە قورجىنى مەن سۋبسيديا كولەمى – 2 ەسە ارتقان.

باعدارلامانى ىسكە اسىرۋداعى ءبىر جەتىس­تىك – ورتالىق ازيادا الدىڭعى ورىنداعى «مەگا الماتى» ساۋدا ويىن-ساۋىق ورتا­لىعى اۋماعىنداعى «Happy Eye» اتالاتىن اينالانى شولاتىن الىپ اتتراكتسيوننىڭ ىسكە قوسىلۋى.  وعان قوسا، مەملەكەتتىك قول­داۋ اياسىندا  «موسكۆا» ساۋدا ويىن-ساۋىق ورتالىعىنىڭ  سالىنىپ، ءHىlton قوناق ءۇيى، باسقا دا شاھارىمىزداعى مادەني جانە ماڭىزدى نىساندار  قۇرىلىسى جۇرگىزىلۋدە. ۇكىمەت قابىلداعان 2020 جىلعا دەيىن قىز­مەت كورسەتۋ سالاسىن دامىتۋ باعدارلاماسى مەن الماتى قالاسى اكىمدىگىنىڭ اۋقىمدى جۇمىسى الەمدىك برەندتەردى تارتۋعا،   قىز­مەت كورسەتۋ سالاسىن جاقسارتۋعا مۇمكىندىك بەردى. اتاپ ايتقاندا، 28-قىسقى ۋنيۆەر­سيادا-2017 مەن ەكسپو-2017 اۋقىمى زور ءىس-شارالار  قارساڭىندا  100-دەن استام نى­سان ىسكە قوسىلدى.  جىلدىڭ سوڭىنا دەيىن تاعى دا 10 نىساندى ىسكە قوسۋ  جوسپار­لانۋدا.

ءHىlton, ءKempىnskى مەن Novotel بەلگى-اتاۋلارىمەن قوناق ءۇي اشۋعا دايىندىق جۇرگىزىلۋدە. Starbucks, McDonald’s, ءRىtz-Carlton نىساندارىنىڭ الماتى نارىعىنا كىرۋى وڭ ءۇردىستى بىلدىرسە، ءelىtetraveler.com, ءlalىste.com, restaurantworld.com ءتارىزدى الەم­دىك تۋريستىك سايتتاردا الماتىنىڭ اۋقىم­دى قوعامدىق تاماقتاندىرۋ نىسان­دارىن ورنالاستىرۋ جونىندە جۇمىس جۇر­گىزىلۋدە. الماتىدا 7 998 ورنى بار قوناق­ۇيلەردىڭ 136 ورنالاستىرۋ نىسانى جۇمىس ىستەيدى. ورىننىڭ ورتاشا باعاسى –  12 300 تەڭگە.

شەتەلدىك ينۆەستورلار الماتى ريتەي­لەرىنىڭ نارىعىنا كىرۋدە. كەلەر جىلدىڭ 3-توقسانىنا دەيىن ء«وۆى» ءبىرىنشى نەمىس گيپەرماركەتى  قۇرىلىسىن اياقتاسا، 2018 جىل­دىڭ باسىندا فرانتسۋزدىق الىپ-ريتەيلەر Leroy ءMerlىn جوسپارلانعان ءۇش دۇكەننىڭ ءبىرىنشى دۇكەنىن ىسكە قوسپاق. سونداي-اق، «Forum ءEurasىa» جشس-مەن مەموراندۋم جاسالدى. كومپانيا Turkmall تۇرىك-نەمىس كومپانياسىمەن سەرىكتەسىپ، 1 ملرد. دوللارعا كەشەننىڭ، سونىڭ ىشىندە، ورتالىق ازيا مەن تمد ەلدەرىندە ءىرى ويىن-ساۋىق پاركىن، الەۋمەتتىك نىساندار مەن تۇر­عىن ۇيلەردىڭ   قۇرىلىسىن سالۋدى جوس­پارلاۋدا. وسىنىڭ ءبارى،  اينالىپ كەل­گەندە، الەمدىك ماركالاردى اشۋ، ەلباسى ن.نازارباەۆتىڭ «100 ناقتى قادام» ۇلت جوسپارى باعدارلاماسىنىڭ اياسىندا بيزنەستى جۇرگىزۋ شارتىن جاقسارتۋ جونىندە جۇرگىزىلگەن جۇمىستاردىڭ ارقاسىندا مۇمكىن بولىپ وتىر.

باسقارما كاسىپورىنداردى ىزدەستىرۋ جانە ونى  كاسىپكەرلىكتى قولداۋ كارتاسىنا ەنگىزۋدە  اۋقىمدى جۇمىس جۇرگىزىپ، اتالعان كارتانى پايدالانۋ كەزەڭىنە وراي 11 000 جۇمىس ورنىن  قۇردى. وعان كولەمى 175 ملرد. تەڭگەلىك 80 جوبا كىرەدى. بۇگىندە ونىڭ 26 جوباسى ىسكە قوسىلدى. ەكىنشى بەسجىل­دىقتا ءبىرىنشى بەسجىلدىقپەن سالىستىر­عاندا جوبا سانى 3 ەسە، كولەمى  3 ەسە وسكەن.

مەملەكەت باسشىسىنىڭ قاتىسۋىمەن وتكەن تەلەكوپىر بارىسىنداعى يندۋستريا­لاندىرۋ كارتاسى اياسىندا وزەن ارنالارىن رەتتەپ، تاۋ بيىگىندەگى   جارقاباقتى جولدار­دى سۋ تاسقىنى مەن سەل كوشكىنىنەن ساقتاۋ­عا ارنالعان گابيوندىق تور وندىرەتىن «Tokyo Rope Almaty» زاۋىتى ىسكە قوسىلدى. گابيون-تور وندىرەتىن مۇنداي الەمدىك تەڭ­دەسسىز  زاۋىت جاپونيادا عانا بار. ونىڭ ءبىر بولىگىنىڭ ەلىمىزدە اشىلعانىن ماقتا­نىشپەن ايتۋعا بولار. Tokyo Rope جانە  الماتى اكىمدىگىنىڭ كەلىسىمى ناتيجەسىندە  جاپونيانىڭ ىسكەرلىك كلۋبى مەن يندۋس­تريالدى ايماقتا جاپوندىق يندۋستريالدى پارك قۇرۋ تۋرالى مەموراندۋمعا قول قويىلدى.

الماتى – ەلىمىزدىڭ دونورى. ەل قورجى­نىنىڭ 25-27 پايىزىن وسى قالا قامتيدى. بۇل قاراجات  كاسىپكەرلىكتەن، سان الۋان قىزمەت كورسەتۋدەن، الىم-سالىقتان تۇسەدى. مۇنايى مەن گازى، نە الىپ ءوندىرىسى جوق الماتى نەسىمەن الپاۋىت؟ كاسىپكەر­لىگىمەن، ارينە. سالماق، الدىمەن، شاعىن جانە ورتا بيزنەسكە تۇسەدى. رەسپۋبليكا كولەمىندەگى شوب-ءنىڭ 55-60 پايىزى الماتىدا ورنا­لاسقان. جاقسى جاعداي جاسالعان الماتى­داعى بيزنەستىڭ باعى بار.

«كۇلشەلى بالا سۇيمەككە جاقسى» دەگەن. قارجى، بيزنەس ورتالىعىنا قالتالىلار عانا ەمەس، قۇمىرسقاداي قۇجىناعان قالىڭ جۇرت تا ۇيىرسەك.  كريمينوگەندىك احۋالدىڭ كۇردەلىلىگى دە سودان. ەلىمىزدىڭ سان تارا­بىنان كەلگەندەر وسى شاھاردان ناپاقاسىن تابادى. شاعىن بيزنەسپەن  اينالىساتىن­داردىڭ الدىنان سان-الۋان كەدەرگىنىڭ (اكىمشى­لىك كەدەرگى دە جوق ەمەس) شىعاتىنى انىق. اسىرەسە، كاسىبىن جاڭادان باستاعان­دارعا ۇيىرىلەر بۇلت قالىڭداۋ. ەس جيىپ ۇلگەرت­پەي، انتالاۋ باسىم. باسقوسۋ بارى­سىندا باسقارما باسشىسى جۋرناليستەردى تولعانتقان وسىنداي ساۋالدارعا دا جاۋاپ بەرىپ، كاسىپكەرلىكتى وركەندەتۋ جولىندا تىنىمسىز جۇمىس ىستەلەتىنىن ءمالىم ەتتى.

abai.kz