جۇما, 29 ناۋرىز 2024
جاڭالىقتار 4216 0 پىكىر 26 شىلدە, 2016 ساعات 11:19

دۋشانبەدە بالا ۇرلاۋشىلار ۇستالدى

تاجىكستاننىڭ قۇقىق قورعاۋ ورگاندارى دۋشانبەدە سوڭعى بىرنەشە جىلدان بەرى بالا ۇرلاۋمەن اينالىسقان قىلمىستىق توپتى قۇرىقتادى. تاجىكستاننىڭ ىشكى ىستەر مينيسترلىگىنىڭ دەرەككوزى اقپاراتتى راستاپ، قىلمىستىق توپتىڭ ءۇش مۇشەسى 20 شىلدە كۇنى 7 جاستاعى قىزدى ۇرلاماق بولعان كەزدە قولعا تۇسكەنىن ايتادى.

اقپارات كوزىنىڭ مالىمەتىنشە، وقيعا «سادبارگ» ساۋدا ورتالىعىندا ورىن العان. ءدال وسى جەردە بۇرىن اپالى-ءسىڭلىلى ارالوۆالار ۇرلانعان، كەيىن 5 جاستاعى وسيا دا جوعالىپ كەتكەن. سابينا مەن ماليكا ارالوۆالار اتالعان اۋداندا 2013 جىلدىڭ ناۋرىز ايىندا جوعالىپ كەتكەن. ال 5 جاستاعى وسيا (سابوحات) ديلوۆاروۆانىڭ دەنەسى كەيىن گيسساردا تابىلعان.

7 جاستاعى ف.ب. جوعالىپ كەتكەننەن كەيىن، 20 مينوتتەن سوڭ، ۇيىمداسقان قىلمىسقا قارسى كۇرەس قىزمەتكەرلەرىنىڭ كومەگىمەن تابىلدى. ونى اپالى-ءسىڭلىلى ارالوۆالار تۇرعان ءۇيدىڭ ماڭىنان الىپ كەتپەك بولعان.

كامەلەتكە تولماعان بالالاردى ۇرلاۋدى ۇيىمداستىرۋشى 48 جاستاعى دۋشانبە قالاسىنىڭ تۇرعىنى ماتلۋبا احمەدوۆا بولىپ شىققان. بۇل ايەل «سادبارگ» اۋدانى ماڭىنداعى قوناق ۇيلەردىڭ بىرىندە بولمە جالداپ، ماسساج قىزمەتىن كورسەتىپ كەلگەن.

تەرگەۋ ىسىندە كورسەتىلگەندەي، قىلمىستىق توپ دۋشانبە قالاسىنىڭ زارافشون ىقشام اۋدانىندا پاتەر جالداعان. ف.ب. -نى سول جەرگە الىپ بارماق بولعان. پاتەردى ءتىنتۋ كەزىندە وپەراتسيالىق قۇرال-جابدىقتار، شپريتستەر، اۋىرسىنۋدى باساتىن دارىلەر مەن بالالار كيىمى تابىلعان. 7 جاستاعى قىزدى ۇرلاماق بولعان كولىكتىڭ ىشىندە الدىن-الا دايىندالىپ قويعان ەرىتىندى قۇيىلعان شپريتس تابىلعان. ءبۇلدىرشىننىڭ اناسى فارانگيس بادالوۆا وزودي راديوسىنا بەرگەن سۇحباتىندا ماتلۋبا احمەدوۆانى تانيتىنىن، ونىمەن جاقسى قارىم-قاتىناستا بولعانىن ايتتى.

قۇقىق قورعاۋ ورگاندارىنىڭ اقپاراتى بويىنشا، ماتلۋبا احمەدوۆا مەن ونىڭ ەكى سىبايلاسىنا قىلمىستىق كودەكستىڭ 130-بابى، ادام ۇرلاۋ ءىسى بويىنشا ايىپ تاعىلعان. قىلمىستى ۇيىمداستىرۋشى ايەلدىڭ ەكى سىبايلاسىنىڭ ءبىرى گيوسوۆ كارا-بولو اۋرۋحاناسىندا دارىگەر بولىپ قىزمەت ەتكەن، ەكىنشىسى تاكسي جۇرگىزۋشىسى بولعان.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563