جۇما, 29 ناۋرىز 2024
جاڭالىقتار 3968 0 پىكىر 26 شىلدە, 2016 ساعات 11:22

پۋتين ريوعا وليمپياداسىنىڭ اشىلۋىنا بارمايدى

رەسەي پرەزيدەنتى ۆلاديمير پۋتين ريو-دە-جانەيرودا باستالاتىن وليمپيادا ويىندارىنىڭ اشىلۋىنا بارمايدى. بۇل جونىندە ونىڭ ءباسپاسوز حاتشىسى دميتري پەسكوۆ حابارلادى. ول مۇنى «جۇمىس كەستەسىنىڭ تىعىزدىعىمەن» ءتۇسىندىردى.

پەسكوۆ كرەملدەگىلەر حالىقارالىق وليمپيادا كوميتەتىنىڭ (حوك) رەسەيلىك شەنەۋنىكتەرگە برازيلياداعى ويىندارعا قاتىسۋعا، اسىرەسە سپورت ءمينيسترى ۆيتالي مۋتكوعا رۇقسات بەرمەگەنىنە وكىنەدى دەدى.

وليمپيادا ويىندارى ريو-دە-جانەيرودا 5-21- تامىز ارالىعىندا وتەدى. كەشە حوك رەسەيدىڭ بارلىق سپورتشىلارىن ويىننان شەتتەتپەۋ جونىندە شەشىم شىعاردى. تەك وسىعان دەيىن دوپينگ قولدانعان سپورتشىلاردى عانا قاتىستىرمايدى. سونىمەن بىرگە دوپينگ جانجالىنا قاتىسى بار شەنەۋنىكتەرگە دە اككرەديتاتسيا بەرمەدى.

مۇنىڭ الدىندا حالىقارالىق جارىستاردا رەسەيلىك جەڭىل اتلەتتەردى جارىستاردان شەتتەتكەن. وسى جولى سۋعا سەكىرۋشىلەر، جۇزۋشىلەر جانە تەنيسشىلەر وليمپياداعا قاتىسادى.

18 شىلدەدە جاريالانعان بۇكىلدۇنيەجۇزىلىك دوپينگكە قارسى اگەنتتىك (WADA) بايانداماسىندا رەسەيلىك دوپينگكە قارسى زەرتحانا سپورتشىلاردىڭ تىيىم سالىنعان پرەپاراتتاردى قولدانعانىن قاساقانا جاسىرىپ كەلگەنىن، ءارى بۇل ىسكە رەسەيلىك فسب-نىڭ قاتىسى بارىن ايتقان.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606