ەلىمىزگە سەمينار وتكىزۋ ماقساتىندا دجيۋ-دجيتسۋ بويىنشا جوعارعى حالىقارالىق ساناتتاعى سپورت تورەشىسى اندرەي پەتراچكوۆ كەلىپ كەتتى.

قازاقستان رەسپۋبليكاسى دجيۋ-دجيتسۋ قاۋىمداستىعى ءوز سپورتشىلارىنىڭ شەبەرلىك دەڭگەيىن ارتتىرۋ ماقساتىندا ءاردايىم وقىتۋ مەن شەبەرلىك كلاستارىن وتكىزىپ تۇرادى. اعىمداعى جىلدىڭ 23-24 شىلدە ارالىعىندا اقمولا وبلىسى، ششۋچينسك قالاسىندا ورنالاسقان جاقسى سپورت كەشەنىندە  تورەشىلەر مەن جاتتىقتىرۋشىلارعا ارنالعان دجيۋ-دجيتسۋ بويىنشا رەسپۋبليالىق سەمينار ءوتتى. سەمينارعا 10 وبلىس، استانا مەن الماتى قالالارىنىڭ وكىلدەرى قاتىستى. وقىتۋدىڭ باستى ماقساتى قاتىسۋشىلاردىڭ بىلىكتىلىگىن ارتتىرىپ، ءبىلىمىن تەرەڭدەتۋ بولىپ تابىلادى..

سەمينار وقىتۋشىسى رەتىندە بەلگىلى رەسەيلىك سپورتشى اندرەي فەدوروۆيچ پەتراچكوۆقا ۇسىنىس جاسالعان. اندرەي پەتراچكوۆ دجيۋ-دجيتسۋ بويىنشا ماسكەۋ فەدەراتسيا باسقارماسىنىڭ  مۇشەسى ء(ارى قاراي - مفب), مفب تورەشىلەر القاسىنىڭ توراعاسى، دجيۋ-دجيتسۋ بويىنشا رەسەي فەدەراتسياسى تورەشىلەر كوميسسياسىنىڭ توراعاسى، ريونشي دەگەن قۇرمەتتى اتاعى بار، 5-ءشى دان شەبەرى جانە دجيۋ-دجيتسۋ بويىنشا حالىارالىق نۇسقاۋشى،  دجيۋ دجيتسۋ بويىنشا جوعارعى ساناتاتتاعى حالىقارالىق سپورت تورەشىسى (World A ليتسەنزياسى), Seikai Judokai حالىقارالىق جاۋىنگەرلىك ونەرى قاۋىمداستىعى جوعارعى كەڭەسىنىڭ مۇشەسى بولىپ تابىلادى. سەمينار اياسىندا بىرنەشە ءىس -شارا، ونىڭ ىشىندە وقىتۋ سەمينارى جانە «فايتينگ-سيستەم»، «نە-ۆازا-سيستەم»، «دۋو-سيستەم»، «سامووبورونا-سيستەم»، «برازيل-سيستەم» مەن «ادس كومبات-سيستەم» تاراۋلارىندا تەحنيكالار ۇيرەتىلىپ تاجىريبەلىك ساباقتار وتكىزىلدى. اتتەستاتسيا ەمتيحان تۋرىندە، ياعني قاتىسۋشىلار ارنايى دايىندالعان بيلەتتەردەگى سۇراقتارعا تولىقاندى جاۋاپ بەرۋلەرى ءتيىس بولدى. اتتەستاتسيالىق كوميسسيا مۇشەلەرى رەتىندە قر دجيۋ دجيتسۋ قاۋىمداستىعىنىڭ قۇرمەتتى پرەزيدەنتى ەلكەەۆ نۇرجان، ءبىرىنشى ۆيتسە-پرەزيدەنتى ميرزو يليا، قر قۇراما كومانداسىنىڭ نەگىزگى قۇرامىنىڭ اعا جاتتىقتىرۋشىسى قالي ءاشىم، جوعارى ساناتتاعى ۇلتتىق تورەشى، قر ەڭبەك سىڭىرگەن جاتتىقتىرۋشىcى ەرجانوۆ سايات، حالىقارالىق ساناتتاعى تورەشى،  ءدارىس وتكىزگەن اتاقتى رەسەيلىك سپورتشى پەتراچكوۆ اندرەي جانە  كوميسسيا حاتشىسى پومازاي كونستانتين سپورتشىلاردىڭ ءبىلىمى مەن بىلىكتىلىگىن باعالادى. باقتارىن سىناعان 42 ۇمىتكەر اراسىنان ەمتيحاننان سۇرىنبەي، جۇزدەن جۇيرىك بولىپ ۇزدىك باعا العان 7 جاتتىقتىرۋشى مەن 12 تورەشىگە كۋالىك تابىستالىپ، حالىقارالىق تورەشىلىك-جاتتىقتىرۋشىلىق كۋرستارىنا جولداما الاتىن بولدى.

اباي-اقپارات