جۇما, 29 ناۋرىز 2024
جاڭالىقتار 4337 0 پىكىر 26 شىلدە, 2016 ساعات 15:39

گەرمانيادا توعىزقۇمالاقتان ەۋروپا اشىق چەمپيوناتى ءوتتى

توعىزقۇمالاقتان ەۋروپا چەمپيوناتى شۆاينفۋرتتا (گەرمانيا) 23-24 شىلدە ارالىعىندا ءوتتى. ەۋروپا چەمپيوناتىنا گەرمانيا، فرانتسيا، گرەكيا، شۆەيتساريا، يسپانيا، رەسەي، چەحيا جانە تاعى باسقا وننان استام مەملەكەت سپورتشىلارى قاتىستى. چەمپيونات شۆەيتسار جۇيەسى بويىنشا، ەرلەر مەن ايەلدەر اراسىندا ۇيىمداستىرىلدى.

ەۋروپا چەمپيوناتى اشىلۋىنا دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى اليحان بايمەنوۆ پەن قازاقستان مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ، شۆاينفۋرت مەرى كارل حاينتس كاۋچوك قاتىستى.  

«توعىزقۇمالاق - قازاقتىڭ دۇنيەجۇزىلىك مادەنيەتكە قوسقان جارقىن ۇلەسىنىڭ ءبىرى. چەمپيونات  - ينتەللەكتۋالدىق سايىس، مادەني شارا عانا ەمەس، مادەني مۇرامىزدى ناسيحاتتاۋ جولى. بۇل – دۇنيەجۇزىلىك فەدەراتسيانىڭ قۇرىلعان كۇنىنەن باستاپ العا قويعان مىندەتتەرىنىڭ ءبىرى»، - دەپ اتاپ ءوتتى اليحان بايمەنوۆ. 

دۇنيەجۇزىلىك فەدەراتسيا 2009 جىلدان بەرى توعىزقۇمالاقتان ءۇش رەت الەم چەمپيوناتىن وتكىزىپ، ۇشىنشىسىنە 25 ەل وكىلدەرى قاتىسقان. چەمپيوناتتاردىڭ وتۋىنە وتاندىق كاسىپكەرلەر دىنمۇحاممەد ىدىرىسوۆ، كەڭەس راقىشەۆ، ەرلان ءاشىم، ماقسات رامانقۇلوۆ، ەرعالي يبراگيموۆ قولعابىس تيگىزۋدە. سوڭعى جىلدارى مەملەكەت تاراپىنان دا توعىزقۇمالاقتى دامىتۋعا جۇيەلى كوڭىل اۋدارىلۋدا. قازىرگى تاڭدا توعىزقۇمالاقپەن اينالىساتىن قازاقستاندىقتار سانى 200 مىڭنان استى. الدا ازيا چەمپيوناتىن ۇيىمداستىرۋعا قىتاي وكىمەتى ءوز تاراپىنان قولداۋ كورسەتۋگە نيەت ءبىلدىرىپ وتىر.

ەۋروپا چەمپيوناتى بارىسىنداعى حالىقارالىق تۋرنيرگە قازاقستان ۇلتتىق قۇراما كومانداسى مۇشەلەرى دە قاتىسىپ، شەتەلدىك سپورتشىلاردىڭ شەبەرلىگىن ارتتىرىپ، تاجىريبە جيناقتاۋىنا كومەك كورسەتتى.  جارىسقا قاتىسۋشىلار مەن توعىزقۇمالاق اۋەستەنۋشىلەرى – نەگىزىنەن ەۋروپا ەلدەرىندە تۇرىپ جاتقان جەرگىلىكتى حالىق. 

چەمپيونات اياسىندا، سونداي-اق، ۇلتتىق ويىندى حالىقارالىق دەڭگەيدە ودان ءارى دامىتۋ ماسەلەلەرى دە كەڭىنەن تالقىلاندى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3542