دۇيسەنبى, 26 قازان 2020
COVID-19 قازاقستاندا. جۇقتىرعاندار — 110402. جازىلعاندار — 105618. قايتىس بولعاندار — 1796
جاڭالىقتار 2302 0 پىكىر 26 شىلدە, 2016 ساعات 17:47

وقو-دا «جاستار پراكتيكاسى» اياسىندا 10 مىڭ جاس تۇراقتى جۇمىسقا ورنالاستى

بۇل تۋرالى بۇگىن وقو ايماقتىق كوممۋنيكاتسيالار قىزمەتىندە وتكەن بريفينگتە وبلىستىق جاستار ساياساتى ماسەلەلەر جونىندەگى باسقارماسى جاستارمەن جانە جاستار قوعامدىق بىرلەستىكتەرىمەن جۇمىس جونىندەگى ءبولىمىنىڭ باسشىسى مۇحتار سەيتجاپباروۆ ءمالىم ەتتى. بۇل تۋرالى وقو اكىمىنىڭ ءباسپاسوز قىزمەتى حابارلايدى.  

«تاۋەلسىزدىكتىڭ 25 جىلدىعىندا جاستارىمىزدىڭ بارىنشا دامۋىنا كوپتەگەن جاعدايلار جاسالىندى. ماسەلەن ەلىمىزدە جاستاردىڭ جان-جاقتى دامۋى مەن الەۋمەتتىك-ەكونوميكالىق جاعدايلارىن جاقسارتۋ ماقساتىندا ءتۇرلى مەملەكەتتىك  باعدارلامالار جاسالۋدا. ولاردىڭ ءبىرى 2011 جىلدان باستاۋ العان «جاستار پراكتيكاسى» باعدارلاماسى»،-دەدى سپيكەر.

اتالعان باعدارلاما بويىنشا بۇگىنگى كۇنگە دەيىن وبلىستا 24 775 جاس جۇمىسقا تارتىلىپ، ونىڭ 10 مىڭعا جۋىعى تۇراقتى جۇمىسقا ورنالاسقان.

ال جىل باسىنان بەرى  جاستار پراكتيكاسىن ۇيىمداستىرۋعا 1 361  جۇمىس بەرۋشىلەرمەن كەلىسىم-شارتتار ءتۇزىلىپ، ناتيجەسىندە 4069 جاس جۇمىسقا تارتىلدى.                

بايانداماشىنىڭ ايتۋىنشا، تاۋەلسىزدىك العان ۋاقىتتان بەرى وبلىس جاستارىنىڭ سانى 200 مىڭعا ءوستى. ياعني 1991 جىلى وڭىردە 14-29 جاس ارالىعىنداعى  جاستار سانى 502 مىڭعا جۋىق بولسا، وسى  جىلى 767 963 جاستى قۇراپ وتىر. بۇل ەلىمىزدەگى بىرقاتار وبلىس تۇرعىندارىنىڭ جالپى سانىمەن سالىستىرعاندا الدەقايدا ارتىق.

سونىمەن قاتار، مۇحتار سەيتجاپباروۆ ستۋدەنت جاستاردىڭ جازعى مەزگىلدە بوس ۋاقىتتارىن ءتيىمدى وتكىزۋ ءۇشىن ءاربىر اۋدان، قالادا «ستۋدەنتتىك قۇرىلىس جاساقتارى» مەن «جاسىل ەل» ەڭبەك جاساقتارى جۇمىس جاساپ جاتقانىن ايتتى.

ول ءوز سوزىندە سوڭعى 3 جىلدا قايتادان جاندانعان ستۋدەنتتىك قۇرىلىس جاساقتارىنا وبلىستاعى 1358 جاس تارتىلعانىن، ال بيىل بۇل باعىتتا  500 جاس جازعى ەڭبەك جۇمىسىنا جۇمىلدىرىلعانىن جەتكىزدى.

سونداي-اق، «جاسىل ەل» ەڭبەك جاساقتارىنا 2004 جىلدان بەرى 12 مىڭنان اسا جاس جازعى ەڭبەك ماۋسىمىندا جۇمىس جاساسا، 2016 جىلى 686 ستۋدەنت جازعى ماۋسىمدىق جۇمىستا ەڭبەك ەتۋدە.

Abai.kz

0 پىكىر