بەيسەنبى, 22 قازان 2020
COVID-19 قازاقستاندا. جۇقتىرعاندار — 109766. جازىلعاندار — 105301. قايتىس بولعاندار — 1796
دەپ جاتىر 3352 0 پىكىر 27 شىلدە, 2016 ساعات 09:51

باياننىڭ قىزى: اكە-شەشەمنىڭ ۇرىسىن ەشۋاقىتتا ەستىگەن ەمەسپىن

بايان مەن باقىتبەك ەسەنتاەۆاتاردىڭ قىزى ايساۋلە ءوزىنىڭ بالالىق شاعى تۋرالى ايتىپ بەردى. بۇل تۋرالى Stan.kz حابارلايدى.

ايساۋلە باقىتبەك الەۋمەتتىك جەلىلەردە بەلسەندىلىك تانىتىپ، ۇنەمى كورگەن-بىلگەندەرىن ءبولىسىپ وتىرادى. بۇل جولى ول اناسى ءۇشىن الاڭداعان بارشا قازاقستاندىققا العىس ايتىپ، اكە-شەشەسىنىڭ قارىم-قاتىناسىنىڭ قانداي بولعانى تۋرالى ايتىپ بەردى.

ء“بىز ءۇشىن الاڭداپ، جىلى لەبىز ءبىلدىرىپ جاتقاندارىڭىز ءۇشىن كوپ راحمەت. ۇيلەرىڭىز بەرەكە مەن ماحابباتقا تولسىن. الەۋمەتتىك جەلىدەگى ۇنسىزدىگىمدى جان-دۇنيەمنىڭ ايناسى دەپ قابىلداۋدىڭ قاجەتى جوق. ويتكەنى، ايسىز تۇننەن كەيىن مىندەتتى تۇردە كەلەسى كۇن شۋاقتى بولادى.

ءبىزدىڭ وتباسىنىڭ بالالارى قامقورلىق پەن ناعىز وتباسىنىڭ نە ەكەنىن سەزىنىپ وسكەنى ءۇشىن، ەشۋاقىتتا كەرەگەنىڭ ار جاعىنان اكە-شەشەسىنىڭ ۇرىسىن ەستىمەگەنى ءۇشىن جاراتقانعا العىسىم شەكسىز. ءبىز جۇرتتان ەشنارسە جاسىرعان ەمەسپىز، وتباسىمدى دا قاتتى جاقسى كورەمىن. جانە ءومىر بويى جاقسى كورىپ وتەمىن.

مۇنىمەن قاتار، كوپ ادام مەنىڭ جەكە ءومىرىم تۋرالى سۇرايدى. 20 جاستا ءبىز سەزىمنىڭ جەتەگىنە ەرىپ، الىپ-ۇشىپ تۇرامىز. الايدا كورىكتى بيكەشتەر، جاڭا جەتىستىكتەردى تويلاۋ، اققاينار سىندىلاردىڭ جانىندا جىلدام سونەدى ەكەن. 20 جاس جىگىتپەن تۇراقتى قارىم-قاتىناسقا ءتۇسۋ ءۇشىن قولايسىز بولىپ شىقتى.

بۇگىن، كەشە، ءبىر اي، ەكى ايدان بەرى ايساۋلەنىڭ باسى بوس. ول كوڭىلگە كىربىڭ تۇسىرگەن ويلاردان، سىننان، جۇرتتىڭ الىپ-قاشپا سوزىنەن ادا. ۋاقىت وتە كەلە ءومىر ءبىزدى ەسەيتەدى. بۇعان وزىڭە تاماق جاساپ ۇيرەنۋدىڭ ەش قاتىسى جوق. ەسەيۋ دەگەنىمىز – بۇلتتىڭ ارعى جاعىندا شۋاقتى كۇننىڭ بار ەكەنىن ءتۇسىنۋ. ارى قاراي دا جارقىراپ، ساۋلە شاشۋدىڭ ماڭىزى زور”، – دەيدى ايساۋلە.

جەلى قولدانۋشىلارى ايساۋلە مەن بايان ەسەنتاەۆانىڭ جازباسىنان ۇقساستىق تاپقانداي بولدى. دەسە دە، ونىڭ دانالىعىنا قايران قالىپ، الداعى ومىردە ساتتىلىك تىلەدى.

“جاندارىم سول، اللا باقىتتارىڭنان ايىرماسىن. انالارىڭدى قاتتى جاقسى كورەمىن. اللا شيپاسىن بەرسىن”، “وتە دۇرىس ايتاسىڭ”، “بايان ماقساتقىزىنىڭ ءوزى قىزىنىڭ كىتاپتى كوپ وقيتىنىن ءجيى ايتاتىن. ناتيجەسى كورىنىپ-اق تۇر”، “ايساۋلە، اقىلىڭنان اينالدىم. اكە-شەشەڭنىڭ اراسىندا قانداي جاعداي بولسا دا، ول سەندەرگە جاقسى اكە بولدى”، ء“ار ءسوزى ءمىردىڭ وعىنداي وتكىر. قالىقتاي ءتۇس” دەيدى جەلى قولدانۋشىلارى.

Abai.kz

 

 

 

 

 

0 پىكىر