جۇما, 29 ناۋرىز 2024
مىنە، اڭگىمە! 3644 0 پىكىر 27 شىلدە, 2016 ساعات 17:42

وقو اكىمى بايان-ولگەيگە جولعا شىققان دەلەگاتسيانى قابىلدادى

بۇگىن ءوڭىر باسشىسى ب.اتامقۇلوۆ موڭعوليانىڭ بايان-ولگەي ايماعىنا جولعا شىققان وڭتۇستىكقازاقستاندىق دەلەگاتسيانى قابىلدادى،-دەپ جازادى وقو اكىمىنىڭ ءباسپاسوز قىزمەتى.

قۇرامىندا جۋرناليستەر مەن ءدىن وكىلدەرى جانە بەلسەندى جاستارى بار توپ قۇرامىنا ايماق باسشىسى العىسىن ءبىلدىرىپ، ونداعى قانداستارعا بارىنشا قولداۋ كورسەتۋگە دايىن ەكەنىن جەتكىزدى. 

ەستەرىڭىزدە بولسا، دۇيسەنبى كۇنى شەكارانىڭ ارعى جاعىنداعى قانداستارىمىزعا وبلىس كاسىپكەرلەرىنىڭ دەمەۋشىلىگىمەن گۋمانيتارلىق كومەك رەتىندە 7 تونناعا جۋىق ۇن، 1 توننا ماكارون، 1000 بانكا مارينادتالعان قيار، 5000 دانا شۇلىق جانە تاعى باسقا دا ازىق-تۇلىك تاۋارلارى ارتىلعان جۇك كولىگى جولعا شىققان بولاتىن. بۇدان بولەك، وبلىس تۇرعىندارىنان جينالعان 3 ملن. تەڭگەگە زارداپ شەككەن 5 وتباسىعا تۇرعىن-ءۇي سالۋ ءۇشىن قۇرىلىس ماتەريالدارى ساتىپ الىناتىنى دا حابارلانعان. 

ال جولعا شىعىپ بارا جاتقان بۇل توپتىڭ قورجىنىندا نەگىزىنەن، وبلىستاعى اۋدانداردان جينالعان رۋحاني دۇنيەلەر – كىتاپتار مەن سۋرەت كارتينالارى سىندى ونەر بۇيىمدارى، سونداي-اق، وڭتۇستىكتەن شىققان وتاندىق ونىمدەر بار. شىلدە ايىنىڭ سوڭعى كۇندەرى موڭعوليادا كەزدەسەتىن ءوڭىر بەلسەندىلەرى كورشى ەلدەگى قانداستارىمىزعا ماتەريالدىق جاعىنان عانا ەمەس، رۋحاني دا قولداۋ كورسەتەتىن بولادى.

اباي-اقپارات


0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3620