1 قىركۇيەك – ءبىلىم كۇنىندە وڭتۇستىك قازاقستان وبلىسىندا 25 ءبىلىم بەرۋ نىسانىن پايدالانۋعا بەرۋ جوسپارلانىپ وتىر،-دەپ حابارلايدى  وقو اكىمىنىڭ ءباسپاسوز قىزمەتى.

ەل تاۋەلسىزدىگىنىڭ 25 جىلدىعىنا وراي، سىيعا تارتىلاتىن 25 نىساننىڭ 2-ءۋى 600 ورىندىق، 9 نىسانى 300 ورىندىق بولسا، قالعان 14 ءبىلىم مەكەمەسى 100 جانە 200 بالاعا شاقتالعان. ءبىلىم وشاقتارى نەگىزىنەن، وبلىسىمىزدىڭ سايرام، سارىاعاش، قازىعۇرت جانە ماقتارال اۋداندارىندا ورنالاسقان. اتالعان عيماراتتار پايدالانۋعا بەرىلگەندە وڭىرىمىزدەگى 6,5 مىڭنان استام شاكىرت جاڭا مەكتەپتەردە ساۋات اشىپ، تاربيەلەنەتىن بولادى.  

جالپى، وبلىستا جىل باسىنان بەرى 67 ءبىلىم بەرۋ نىسانىنىڭ قۇرىلىسى ءجۇرىپ، ونىڭ بۇگىنگە دەيىن 13-ءى ەل يگىلىگىنە جۇمىس ىستەۋدە. ءوڭىرىمىزدىڭ بايدىبەك، سايرام، تولەبي، تۇلكىباس، ماقتارال اۋداندارى مەن شىمكەنت، تۇركىستان، ارىس قالالارىندا پايدالانۋعا بەرىلگەن 150, 200, 300 جانە 600 ورىندىق مەكتەپتەر مەن 280 ورىندىق بالاباقشالار (وندا 5540 بالا وقىپ، تاربيەلەنۋدە) ايماقتاعى ءبىلىم ساپاسىنىڭ جاقسارىپ، ارتا تۇسۋىنە ىقپال ەتۋدە.  

مۇنان بولەك، جىل سوڭىنا دەيىن 600 وقۋشىعا شاقتالعان 1 مەكتەپ ەسىگىن ايقارا اشسا، ىرگەتاسى قالانىپ جاتقان 28 عيماراتتى پايدالانۋ كەلەسى جىلدىڭ ەنشىسىندە.

وبلىستىق قۇرىلىس باسقارماسى ماماندارىنىڭ مالىمەتىنشە، جالپى 67 نىسان پايدالانۋعا تاپسىرىلعاندا 26 145 وقۋشى جاڭا وقۋ عيماراتىمەن قامتىلاتىن بولادى.

Abai.kz