جۇما, 29 ناۋرىز 2024
جاڭالىقتار 4157 0 پىكىر 29 شىلدە, 2016 ساعات 15:41

تۇلكىباس سۋدان تارىقپايتىن بولادى

وڭتۇستىك قازاقستان وبلىسىندا ەلەكتر قۋاتىنا تاپشىلىق بار. سىرتتان تاسىمالدانعاننان كەيىن شىعىنى دا كوبەيىپ، قاراپايىم حالىقتىڭ قالتاسىنا اۋىر تيەدى. بىراق، ءبارى بىردەي بولماسا دا ارىندى وزەن، بۇلاقتارى بار وڭىرلەردە وسى وزەكتى ماسەلەنى وڭتايلى شەشۋگە مۇمكىندىكتەر بار. بۇل تۋرالى «قازاقپارات» پورتالى حابارلايدى.

وڭتۇستىك قازاقستان وبلىسىندا گيدروەنەرگەتيكا سالاسىن دامىتۋعا جانە ەنەرگيا تاپ­­­­شىلىعىن تومەندەتۋگە با­عىتتالعان جاڭارتىلا­تىن جانە بالامالى ەنەرگيا كوزدەرى سا­لا­سىنداعى جوبالاردى جۇزەگە اسىرۋ، سونداي-اق، وڭتۇستىك وزەن­دەرىنىڭ گيدروەنەرگەتيكالىق الەۋەتىن انىقتاۋ ماقساتىندا گيد­روەنەرگەتيكالىق ونەركاسىپ ساراپشىلارىنىڭ قاتىسۋىمەن ماركەتينگتىك زەرتتەۋلەر جۇرگىزىل­گەن بولاتىن.

وسى زەرتتەۋلەردىڭ ناتيجە­سىندە وبلىستاعى جيىرماعا جۋ­ىق وزەندەردەگى 43 الەۋەتتى نۇك­تەدەن جالپى سىيىمدىلىعى 119,84 مۆت-عا جەتەتىن ەنەرگيا كوزى انىقتالعان. ەندى وسى وزەندەرگە گيدروەلەكتروستانسا سالۋ ءۇشىن قولايلى جەرلەر تاڭ­دالىنىپ، جوباعا ينۆەستيتسيا تارتۋ كوزدەلگەن ەدى. تۇبىندە قاي­تارىمى مول جوباعا ينۆەستورلار تابىلعان.

جاقىندا «شىمكەنت» اكك» ۇك» اق پەن تۇركيالىق «Endustriel Elektrik Elektronik San. Ve Tic. Ltd» كومپانياسى اراسىندا ينۆەستيتسيالىق جوبانى جۇزەگە اسىرۋ بويىنشا ىنتىماقتاستىق تۋرالى مەموراندۋمعا قول قويىل­دى. اتالعان مەموراندۋمعا سايكەس، تۇلكىباس اۋدانىنداعى ما­شات وزەنى بويىندا جالپى قۋاتتىلىعى 4,2 مۆت قۇرايتىن شاعىن گيدروەلەكتروستانسا قۇرى­لىسىن جۇزەگە اسىرۋ كەلى­سىمىنە قول قويىلدى. الدىن الا بول­جام بويىنشا جوبانىڭ قۇنى 6,3 ملن. دوللارعا جەتەدى.

قازىرگى ۋاقىتتا تۇلكىباس اۋدانى ايىنا 15 مۆت ەلەكتر ەنەرگياسىن تۇتىنىپ وتىر. جوبا ىسكە قوسىلعان سوڭ جاڭا ەلەكتر ستانساسى اۋدان قاجەتتىلىگىنىڭ ۇشتەن ءبىرىن قامتيتىن بولادى.

سونىمەن قاتار، «بالامالى ەنەرگيا كوزدەرىن پايدالانۋدى قولداۋ جانە ەسەپ ايىرىسۋ بويىنشا قارجىلىق ورتالىعى» جشس-ءنىڭ جوبانىڭ قۇرىلىسى اياقتالعاننان كەيىن ەلەكتر ەنەرگياسىن ۇزاق مەرزىمگە ساتىپ الۋدى قامتاماسىز ەتۋگە مۇمكىندىك بار. ەكى جاققا دا پايدالى جوبا ەكى تاراپتى دا قاناعاتتاندىرىپ وتىر. مۇنداي ءتيىمدى جاعداي وڭتۇستىك تاجىريبەسىندە بار.

بيىل شاردارا گەس-ءى كۇردەلى جوندەۋدەن ءوتىپ، جاڭا زاماناۋي تاعى ءبىر قازاندىعىن ىسكە قوس­تى. تۇرعىندارعا ارزان ەلەكتر قۋاتىن بەرۋگە ءازىر.

تاۋ باسىنان قۇلاعان ارىندى وزەندەرى بار تۇلكىباس اۋدانىن­دا دا حالىققا ارزان ەنەرگيا كوزىن ۇسىنۋعا وسىنداي ءتيىمدى جوبا ۇسىنىلدى. كەزەكتە سايرام-وگەم شاتقالىنداعى شارباقتى سياقتى اعىسى جويقىن وزەندەر بار، دەپ جازادى «ەگەمەن قازاقستان» باسىلىمىنىڭ وسى وڭىردەگى ءتىلشىسى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584