سارسەنبى, 8 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
جاڭالىقتار 3110 0 پىكىر 30 شىلدە, 2016 ساعات 17:36

وقو-عا وڭىرارالىق كووپەراتسيانى دامىتۋ ماساتىندا پاۆلودار وبلىسىنان ءبىر توپ دەلەگاتسيا كەلدى

بۇگىن وڭىرارالىق ساۋدا-ساتتىقتى دامىتۋ ماقساتىندا پاۆلودار وبلىسىنىڭ اكىمى ب.ج.باقاۋوۆ باستاعان ءبىر توپ دەلەگاتسيا وڭتۇستىك قازاقستان وبلىسىنا جۇمىس ساپارىمەن كەلدى،-دەپ حابارلايدى  وقو اكىمىنىڭ ءباسپاسوز قىزمەتى. 

شۋاقتى ولكەگە كەلگەن قوناقتاردى قارسى العان ءوڭىر باسشىسى تاۋار وندىرۋشىلەر مەن دەلەگاتتاردىڭ قاتىسۋىمەن جيىن وتكىزدى.

وندا وبلىس اكىمى ايماق اراسىنداعى ساۋدا-ساتتىق پەن وڭىرارالىق كووپەراتسيانى دامىتۋ تۋرالى ءسوز قوزعاپ، كاسىپورىندارعا ساۋدا نارىعىن ىزدەستىرۋگە قول ءۇشىن بەرۋ باستى ماقسات ەكەنىن جەتكىزدى.

«پاۆلودار وبلىسى – رەسپۋبليكامىزدىڭ ەڭ ماڭىزدى وبلىستارىنىڭ ءبىرى. ءىرى جانە ورتا كاسىپورىندارعا تولى وڭىرگە بەرەرىمىز جانە ودان الارىمىز مول. وڭتۇستىككە جاساعان ساپارلارىڭىزعا ۇلكەن العىسىمدى بىلدىرە وتىرىپ، بۇگىنگى ءىس-شارا ەكى ءوڭىردىڭ دامۋ تۇرعىسىندا پايداسى مول بولارىنا سەنەمىن»،-دەدى وبلىس اكىمى.

سونداي-اق، ايماق باسشىسى ءوڭىردىڭ ەكونوميكاسى تەز دامىپ كەلە جاتقانىنا توقتالىپ، ونەركاسىپ ءوندىرىسى بويىنشا كوش ىلگەرى ەكەنىن جانە فارماتسەۆتيكا مەن توقىما كلاستەرى قالىپتاسىپ جاتقانىن اتاپ ءوتتى. تاعى ءبىر ايتا كەتەرلىگى وڭتۇستىك قازاقستان وبلىسى ءوزىنىڭ تابيعي تازا ەكولوگيالىق اۋىل شارۋاشىلىق ونىمدەرىمەن ماقتان تۇتادى. مۇندا ەلدە وندىرىلەتىن بارلىق كوكونىستىڭ تورتتەن ءبىرى، ياعني، باۋ-باقشا ونىمدەرىنىڭ 65%، ءجۇزىمنىڭ 60%، جەمىس-جيدەكتىڭ 36%، ال ماقسارىنىڭ 38% وندىرىلەدى. سونداي-اق، ول وبلىستا 1025 گەكتار جەرگە جىلىجاي ورنالاستىرىلعانىن، بۇل رەسپۋبليكانىڭ جىلىجاي كەشەندەرىنىڭ 87% قۇرايتىنىن ايتتى.

كەزدەسۋدە ەكى جاققا دا ءتيىمدى ونەركاسىپ، اۋىل شارۋاشىلىق جانە الەۋمەتتىك-ەكونوميكالىق سالالارىندا ىنتىماقتاسۋ تۋرالى مەموراندۋمعا قول قويىلدى.

رەسمي ساپاردا اۋىلشارۋاشىلىق جانە ونەركاسىپتىك كاسىپورىنداردىڭ وكىلدەرى بار 20-دان استام دەلەگاتتار تۋريستتەرگە ء«بىر تەرەزە» قاعيداسى بويىنشا قىزمەت كورسەتەتىن «Ontustik Tourism Center» تۋريستىك-اقپاراتتىق ورتالىعىنىڭ جۇمىسىمەن تانىستى.

سونىمەن قاتار، وڭتۇستىك قازاقستان وبلىسىنا ارنايى ءىس-ساپارمەن كەلگەن پاۆلودارلىق دەلەگاتسيا شىمكەنتتەگى ءىرى كاسىپورىنداردى ارالاپ، جۇمىسىمەن تانىستى. 

اتاپ ايتقاندا، تەرىسكەيلىك قوناقتار وڭىرىمىزدەگى ءدارى-دارمەك شىعارۋمەن اينالىساتىن «حيمفارم» اق-ندا بولىپ، كومپانيانىڭ تىنىس-تىرشىلىگىمەن تانىستى. 130 جىلدىق تاريحى بار فارماتسەۆتيكالىق كاسىپورىن بۇگىندە جىلىنا جالپى سوماسى 16,5 ملرد. تەڭگە بولاتىن 1,2 ملرد. تابلەتكا مەن كاپسۋلالار جانە تۇيىرلەر، 300 ملن. امپۋلا، 6 ملن. ينفۋزيا، 40 ملن. انتيبيوتيك قۇتىلارى مەن 26 ملن. ءشاربات قۇتىلارى (سيروپ) سىندى ءدارى-دارمەكتىڭ 200-دەن استام ءتۇرىن وندىرەدى. 

مۇنان كەيىن جۇمىسشى توپ «وڭتۇستىك» يندۋستريالدى ايماعىندا وندىرىلەتىن ونىمدەردىڭ كورمەسىن ارالاپ، جىلىنا 20 ملن. دانا شىنى ىدىستارىن شىعاراتىن «ەۆرو كريستالل» كاسىپورنىندا بولدى. سونداي-اق، ارنايى ەكونوميكالىق ايماعىنداعى شۇلىق ونىمدەرىن شىعاراتىن «الەم بت» فابريكاسى مەن «بال تەكستيل»، «نازار تەكستيل» كىلەم فابريكالارىن كوردى. مەديتسينالىق قۇرىلعىلار مەن جيھازدارىن شىعاراتىن «Kazmedpribor Holding» جشس مەن «AZALA Textile» تەكستيل كومبيناتىن، سۋ سورعىلارىن شىعاراتىن «Karlskrona LB AC» جانە «كورپوراتسيا Green Land» قارقىندى باعىن تاماشالادى. 

وڭىرىمىزدەگى وسىناۋ جۇمىستاردى كورگەن پاۆلودار وبلىسىنىڭ اكىمى بولات باقاۋوۆ ايماق كاسىپكەرلەرىن سولتۇستىك وڭىرلەرگە شاقىرىپ، ول ءۇشىن بوس جەر تەلىمدەرىنىڭ بار ەكەنىن، ەگەر كاسىپكەر اتالعان وبلىسقا بارعان جاعدايدا ارزان باعادا ەلەكتر ەنەرگياسىن تۇتىنا الاتىنىن جەتكىزدى. سونداي-اق، ول اۋىل شارۋاشىلىعى، اۋىر جانە جەڭىل ونەركاسىپ سىندى كەز كەلگەن سالا بويىنشا ىنتىماقتاستىق ورناتۋعا دايىن ەكەندىگىن ايتتى. 

Abai.kz

0 پىكىر