جۇما, 12 تامىز 2022
بىلگەنگە مارجان 4401 0 پىكىر 1 تامىز, 2016 ساعات 11:52

اقتوبەدەن سارمات كەزەڭىنىڭ ساربازدارى تابىلدى

بيىلعى دالالىق ماۋسىمدا قازاقستان رەسپۋبليكاسى ۇلتتىق مۋزەيىنىڭ «حالىق قازىناسى» عىلىمي-زەرتتەۋ ينستيتۋتى ەلىمىز بويىنشا ءار تاريحي كەزەڭدەردى قامتيتىن وننان استام نىساندا ارحەولوگيالىق زەرتتەۋ جۇمىستارىن جۇرگىزۋدە. كەزەكتى زەرتتەۋلەردىڭ ءبىرى –اقتوبە وبلىسىنىڭ قوبدا اۋدانىندا ورنالاسقان ج.س.د. VI–V عع. ءجاتاتىنتورتوبا جەرلەۋ-عۇرىپتىق كەشەنىندە جالعاستى.

بۇل كەشەندەگى بيىلعى اتقارىلعان جۇمىستار مەن الىنعان ماعلۇماتتار تۋرالى ەكسپەديتسيا جەتەكشىسى، تاريح عىلىمدارىنىڭ كانديداتى اقان وڭعارۇلى قىسقاشا باياندايدى.

  • ساۆروماتتىق جەرگىلىكتى بيلىك اۋلەتى وكىلىنىڭ قۇرمەتىنە سالىنعان ءتورتوبا جەرلەۋ-عۇرىپتىق كەشەنىندەگى زەرتتەۋ جۇمىستارى 2011 جىلدان باستالعان-دى. بەس جىلدىق كەشەندى زەرتتەۋلەر بارىسىندا ەسكەرتكىشتىڭ اينالاسىنان ءار تاريحي كەزەڭنىڭ 7 جەرلەۋ ورنى مەن 2 عۇرىپتىق راسىمدەراتقارعان نىساندار زەرتتەلىندى. ءىرى ارحيتەكتۋرالىق ەسكەرتكىش سانالاتىن ديامەترى 50 م، بيىكتىگى 4,7 م توپىراق ءۇيىندىلى وبادا قۇرىلىستىڭ سالىنۋ كەزەڭدەرىن انىقتاۋعا بايلانىستى قازبا جۇمىستارىن جۇرگىزۋ بارىسىندا بيىل ەكى جاۋىنگەردىڭ تونالماعان جەرلەۋ ورنى اشىلدى.

بۇل جەرلەۋلەر نەگىزگى ەسكەرتكىش تۇرعىزىلعاننان بىرنەشە ءجۇز جىلدان كەيىن جاسالىنعان. «ەر قۋاتى – قارۋى» دەگەندەي، ەكى جاۋىنگەر اتۋ قارۋى – وققا تولى قورامساقتى ساداقپەن (ساداقتىڭ تەك ءىزى ساقتالىنعان), تۇيرەۋ قارۋى – تەمىر ۇشتى نايزاسىمەن جانە كەسۋ قارۋى – قىلىش، قانجارىمەن بىرگە جەرلەنگەن. وبا ءۇيىندىسىنىڭ ورتاسىنداعى نەگىزگى قابىر شۇڭقىرىنىڭ شەتىنە قويىلعان ءۇشىنشى جاۋىنگەردىڭ قورامساعىنان 184 قولا جەبەلەر تابىلدى...

(بەلىنە قانجارىن تاعىنىپ، ساداعىن اسىنعان قاتارداعى جاۋىنگەر جەرلەۋى)

(كۇمىس ىلگەكتى جانە قولا جەبەلى قورامساق)

(تاماعى، ىدىسى، قارۋلارىمەن بىرگە كيىز توسەنىشكە قويىلعان جاۋىنگەردىڭ جەرلەۋ ورنى)

دەرەككوزى: baq.kz پورتالى.

Abai.kz

 

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2085
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743