تيمۋر حايداروۆ وليمپياداعا جول تارتقان ەسكەكشىلەر اراسىندا ەڭ جاس سپورتشى. 
ول 1996 جىلى تاشكەنت قالاسىندا دۇنيەگە كەلىپ، كەيىننەن شىمكەنتكە كوشكەن. بۇل تۋرالى «Abai.kz» پورتالى وڭتۇستىك قازاقستان وبلىسى اكىمى ءباسپاسوز قىزمەتىنىڭ «فەيسبۋك» جەلىسىندەگى رەسمي پاراقشاسىنا سىلتەمە جاساي وتىرىپ حابارلايدى.
تيمۋردىڭ ازيا چەمپيوناتىندا جەڭىمپاز اتانىپ، وليمپياداعا جولداما جەڭىپ العانى كۇتپەگەن جاڭالىق بولدى. الايدا، يندونەزياداعى جەڭىستەن كەيىن جەرلەسىمىز چەحيادا وتكەن الەم كۋبوگى ءۇشىن تالاستا التىننان القا تاعىپ، ەپتى ەسكەكشى ەكەنىن دالەلدەي ءتۇستى.
تيمۋر 2014 جىلدىڭ ناۋرىز ايىنىڭ 26-30 ارالىعىندا تاشكەنت (وزبەكستان) قالاسىندا بايداركا جانە كانوەدا ەسۋدەن وتكەن قازاقستان رەسپۋبليكاسى چەمپيوناتىنىڭ 1000م، 500م جانە 200م قاشىقتىقتارىنىڭ جەڭىمپازى. سونىمەن قاتار، ول وسى جىلدىڭ 28.04.- 02.05. ارالىعىندا الماتى قالاسىندا بايداركا جانە كانوەدا ەسۋدەن وتكەن قازاقستان رەسپۋبليكاسى چەمپيوناتىنىڭ 1000م.، 500م. جانە 200 م قاشىقتىقتارىنىڭ بىرنەشە دۇركىن جەڭىمپازى بولىپ تابىلادى. سونداي-اق، ت.حايداروۆ 2014 جىلدىڭ ماۋسىم ايىنىڭ 23-27 ارالىعىندا الماتى قالاسىندا بايداركا جانە كانوەدا ەسۋدەن وتكەن قازاقستان رەسپۋبليكاسى چەمپيوناتىنىڭ 1000م. قاشىقتىقتا جەڭىمپازى.
2015 جىلى ءساۋىر ايىنىڭ 15-19 ارالىعىندا الماتى قالاسىندا بايداركا جانە كانوەدا ەسۋدەن وتكەن قازاقستان رەسپۋبليكاسى كۋبوگىنىڭ 1000م قاشىقتىقتاعى جەڭىمپازى. وسى جىلى قاراشا ايىنىڭ 04-08 ارالىعىندا بايداركا جانە كانوەدا ەسۋدەن پالەمبانگ (يندونەزيا) قالاسىندا وتكەن ءحVى ازيا چەمپيوناتىنىڭ 200م. قاشىقتىقتا جەڭىمپاز اتانىپ، ريو وليمپياداسىنا جولداما الدى.
مۇنان بولەك، 2016 جىلى ءساۋىر ايىنىڭ 20-24 ارالىعىندا الماتى قالاسىندا بايداركا جانە كانوەدا ەسۋدەن وتكەن قازاقستان رەسپۋبليكاسى كۋبوگىنىڭ 200م. قاشىقتىقتاعى جەڭىمپاز. وعان قوسا، بيىل، مامىر ايىنىڭ 28-29 ارالىعىندا بايداركا جانە كانوەدا ەسۋدەن راچيتسا (چەحيا) قالاسىندا وتكەن الەم كۋبوگى كەزەڭىنىڭ 200 م. جەڭىمپازى بولعان.

Abai.kz