"مۇرتى وسكەننىڭ ءوزى كاپىر، شاشى وسكەننىڭ ەلى كاپىر". اتالارىمىزدان قالعان ءسوز. ءسىرا، ءمازxابتى بۇرمالاماي تۋرا ۇستاعان كەزدە ايتىلسا كەرەك. ءابۋ حانيفا ءمازxابى بويىنشا ءبىز مۇرتتى باستىرىپ، شاشتى الدىرۋعا ءتيىسپىز. جالاڭباس ءجۇرۋ دە مازxابقا ۇيلەسپەيدى. ءبىزدىڭ ءداستۇرلى دىنىمىزدە مازxابپەن ءجۇرۋ سولاي قابىلدانعان. قازىر دە سول ءمازxابتى ۇستانامىز دەگەندى ايتىپ قويامىز. بىراق ءبىز جوعارىدا ايتقان "ۇساق-تۇيەكتەر" ونشا ەسكەرىلە بەرمەيدى. ءبىز ونى زامان ىڭعايىنا، وزگە ەل ۇردىستەرىنە لايىقتاپ، شاريعاتىن تۋرالاپ العانبىز. مۇنداي "تۇزەتۋلەردىڭ" اتا-بابالارىمىز قاتەلىگىن شىعارعانداي اسەر قالدىراتىنىنا ءمان بەرە بەرمەيمىز. شىنتۋايتىنا كەلگەندە ءمازxاب جولىن تاپ سولارداي الىپ جۇرە المايتىندىعىمىزدى مويىنداعىمىز كەلمەيدى. سودان بارىپ ءدىننىڭ رۋxاني قۇندىلىقتارىنان بىرتىندەپ اجىراپ قالدىق. سوندىقتان سول "تۋرالاپ" قويعان ماسەلەلەرگە شامالى ءمان بەرىپ كورەيىك.

ءيا، شاش الۋ سۇندەت. سول سياقتى شاش قويۋ دا سۇندەت. دەمەك اتا-بابا جولىن تاركى ەتۋگە بولادى. شىنتۋايتىنا كەلگەندە بۇل تاڭداۋدا اللانىڭ ەمەس، ادامنىڭ قالاۋى العا شىعادى. جاڭا جول ىزدەۋدەگى ماقساتتىڭ ءوزى مىنا جالعاننىڭ ىڭعايىنا بەيىمدەلۋ قاجەتتىلىگىنە بايلانىستى تۋىندايدى. بۇل جەردە دە ماتەريالدىق كوزقاراس پەن رۋxانيات تايتالاسقا تۇسەدى. تاقىرباستان گورى جالبىر شاشقا كوڭىلىمىزدىڭ اۋا بەرەتىندىگى سول تايتالاس كەزىندە كىمنىڭ جەڭىس تۇعىرىنا كوتەرىلگەندىگىن پايىمداتادى. الايدا سول شاشتىڭ سامايدان باستاپ، قۇلاق ۇستىنە دەيىن سۇندەتكە قارسىلىق ءۇشىن تىقىرلاي الىناتىندىعىن كوپ ادام بىلە بەرمەيدى. 

سۇندەتكە ساي كەلەتىن شاش قويۋ - ءدىننىڭ ماتەريالدىق كورىنىسى. شاش الۋ - رۋxانيات تاعلىمى. بارىمىزگە ءمالىم، ءدىنىمىز 23 جىلدا تولىقتى. سوندىقتان العاشقى كەز بەن سوڭعى كەز ارالىعىندا ايىرماشىلىق بار. مىنە، وسى سوڭعى ساتتە شاشىن الدىرعان پايعامبارىمىز (س.ع.س.) " شاشىن الدىرعاندارعا اللانىڭ راxمەتى مەن بەرەكەتى بولسىن" دەيدى. سوندا شاشى بار ساxابالار "شاشى بارلار شە؟" دەپ سۇرايدى. پايعامبارىمىز (س.ع.س.) العاشقى ءسوزىن تاعى دا قايتالايدى. وسى ساۋال مەن جاۋاپ ءۇش رەت قايتالانادى. تورتىنشىسىندە بارىپ پايعامبارىمىز (س.ع.س.) " شاشى بارلار دا" دەيدى. بۇدان قاي سۇندەتتىڭ العا شىعاتىندىعىن باعامداۋعا بولادى. سوندىقتان دا پايعامبارىمىزدىڭ (س.ع.س.) سوڭعى قوشتاسۋ قۇتپاسىن ايتقاننان كەيىنگى كورىنىسى ءبىزدىڭ ءمازxابتا اينا قاتەسىز قايتالانادى. 

حازىرەتى ءالي ءار تال شاش تۇبىندە بالەكەت بولاتىنىن ايتقان. دارەت كەزىندە باسقا تارتىلعان ءماسيx سول كومەس الەم بالەكەتتەرىن جۋىپ- شايادى. ال باسقا ەمەس، شاشقا تارتىلعان ءماسيxتان ونداي تازالىقتى كۇتۋگە بولمايدى. قاجىلىق وتەلگەننەن كەيىن شاشتىڭ الىنۋى دا شاش الۋ - ءدىن شوقتىعىنىڭ كورىنىسى ەكەندىگىن پايىمداتادى. 

قورىتا ايتقاندا، اتا-بابا جولىنىڭ وزگەرىسكە ءتۇسۋى - تاريxات جولىنا كولەڭكە تۇسىرە باستادى. شاش الدىرۋ ءداستۇرلى ءدىنىمىزدىڭ قۇرامداس ءبىر بولىگى ەكەندىگىن مۇلدە ۇمىتتىق. شاش الدىرعاندار مەن تاقيا كيگەندەردىڭ تورگە وزۋدان قالىپ بارا جاتقاندىعى دا جاسىرىن ەمەس. ءوز باسىم سولاردى كورگەن سايىن "شاش الدىرعاندارعا اللانىڭ راxمەتى مەن بەرەكەتى بولسىن" دەگەن پايعامبارىمىز (س.ع.س.) ءxاديسىن قايتالاپ قويامىن.

قۇديار ءبىلال

Facebook-تەگى پاراقشاسىنان