2016 جىلدىڭ 31 مامىرى كۇنى cاعات 09:00-دە «دينامو» دەنە شىنىقتىرۋ جانە سپورت قوعامى» قوعامدىق بىرلەستىگى 1 ماۋسىم – «حالىقارالىق بالالاردى قورعاۋ كۇنى» مەكەرەسىنە وراي، «دينامو – قازاقستان بالالارىنا. جۇرەكتەن جۇرەككە» قايىرىمدىلىق اكتسياسىنىڭ اياسىندا ء«ۇمىت باستاۋلارى» اتتى بالالارعا ارنالعان سپورتتىق ويىن-ساۋىق شاراسىن وتكىزەدى.

شارانىڭ ماقساتى – ءبىر كەزدەگى قاراپايىم بالا بولىپ، قازىردە ۇلى سپورتشىعا اينالعان ءشامىل سەرىكوۆ، ۆالەري رەزانتسەۆ، ەرماحان يبرايموۆ، الەكساندر ۆينوكۋروۆ، باقتيار ارتاەۆ، يليا يلين، گەننادي گولوۆكين، دانيار ەلەۋسىنوۆ، سۆەتلانا پودوبەدوۆا، ولگا شيشيگينا جانە باسقا دا وليمپيادا، الەم، ەۋروپا جانە ازيا ويىندارىنىڭ چەمپيوندارى اتانعان ديناموشىلاردىڭ ءومىرىن ۇلگى ەتە وتىرىپ، دەنە شىنىقتىرۋ قوعامىنىڭ سپورت سالاسىنداعى ۇرپاقتار ساباقتاستىعىن جالعاستىرۋدا الار ورنى ەرەكشە ەكەنىن كورسەتۋ.

شارانىڭ ەرەكشەلىگى – بايقاۋلاردىڭ باسىم كوپشىلىگىن «جاس ديناموشى» كلۋبىنىڭ بەلسەندىلەرى، ەرىكتىلەر جانە قاراپايىم مەكتەپ وقۋشىلارى وزدەرىنىڭ زامانداستارىنا، سونىڭ ىشىندە، بالالار ءۇيىنىڭ تاربيەلەنۋشىلەرىنە، قۇقىق قورعاۋ ورگاندارىنىڭ قىزمەت بابىندا قازا تاپقان قىزمەتكەرلەرىنىڭ بالالارىنا، جاسوپىرىمدەر ءىسى جونىندەگى ينسپەكتسيادا تىزىمدە تۇرعان جەتكىنشەكتەرگە ارنايى ۇيىمداستىرعان. شارا بارىسىندا ءتۇرلى سپورتتىق ەستافەتالار، بايقاۋلار ءوتىپ، سونداي-اق قويان-قولتىق ۇرىس، فۋتبول، سەمسەرلەسۋ، دزيۋدو، بوكس جانە باسقا دا سپورت تۇرلەرى بويىنشا «دينامو» بالالار مەن جاسوسپىرىمدەردىڭ سەكتسيالارىندا تاربيەلەنۋشىلەر ءوز ونەرلەرىن پاش ەتسە، Workout «دينامو - Mix Team» كومانداسىنىڭ كوشباسشىلارى فۋتبول سىندى باسقا دا كوماندالىق سپورت تۇرلەرىنەن شەبەرلىك كلاستارىن ۇيىمداستىرادى. سونداي-اق «دينامو» قوعامى مەن جوبا دەمەۋشىلەرىنەن ءتۇرلى سىيلىقتار كۇتەدى.

بۇگىنگى تاڭدا ەلىمىزدىڭ ۇلتتىق قۇرامالارىندا ونەر كورسەتەتىن سپورتشىلاردىڭ 75% – «دينامو» مەكتەبىنىڭ تاربيەلەنۋشىلەرى. 1992 جىلدان باستاپ 2014 جىلعا دەيىن ولار ەلىمىزدىڭ قورجىنىنا 46 وليمپيادا مەدالىن، سونىڭ ىشىندە 13 التىن، 15 كۇمىس، 18 قولا مەدال سالىپ بەردى. دينامولىق سپورتشىلار 101 رەت الەم چەسپيوناتىنىڭ تۇعىرىنا كوتەرىلسە، ازيا ويىندارىنان 175 مەدال ەنشىلەپ قايتتى. التىن قورىمىزدا 90 قر ەڭبەك سىڭىرگەن سپورت شەبەرى جانە 115 حالىقارالىق كلاستاعى سپورت شەبەرى بار.

مەرەكەلىك شاراعا «دينامو» سپورت قوعامىنىڭ ءار كەزەڭدەگى سپورتشىلارى مەن جاتتىقتىرۋشىلارى، قالالىق ءىىد ارداگەرلەر كەڭەسىنىڭ وكىلدەرى مەن ءىىم جانە ۇقك وقۋ ورىندارى، سونداي-اق، الماتى قالاسىنداعى مەكتەپ وقۋشىلارى مەن بالالار ءۇيىنىڭ تاربيەلەنۋشىلەرى قاتىسادى. سالتاناتتى مەرەكەگە الماتى قالاسى اكىمىنىڭ ورىنباسارى، «نۇروتان» حدپ قالالىق فيليالى مەن «جاس وتان» وكىلدەرى، قالالىق ءماسليحات، ءىىد جەتەكشىلەرى جانە قالالىق دەنە شىنىقتىرۋ جانە سپورت باسقارماسى، سونىمەن قاتار باق وكىلدەرى شاقىرىلىپ وتىر. بالالار كۇنىنە ارنالعان مەرەكەلىك شاراعا قاتىسىپ، اقپاراتتىق قولداۋ بىلدىرۋگە شاقىرامىز!

اباي-اقپارات