جۇما, 27 قاراشا 2020
COVID-19 قازاقستاندا. جۇقتىرعاندار — 129213. جازىلعاندار — 115384. قايتىس بولعاندار — 1990
جاڭالىقتار 2536 0 پىكىر 31 مامىر, 2016 ساعات 09:13

ۋكراينا بارلاۋى قىرىمدا رەسەي اسكەرىنىڭ كوبەيگەنىن ايتادى

ۋكراينانىڭ قورعانىس مينيسترلىگىنىڭ بارلاۋ قىزمەتى اننەكسيالانعان قىرىمدا رەسەيدىڭ 24 مىڭ اسكەرىنىڭ بار ەكەنىن، اسكەر سانىن ودان ءارى كوبەيتىپ جاتقانىن ايتادى.

"رەسەي فەدەراتسياسى قىرىم ارالىندا ءوزىنىڭ اسكەري كۇشتەرىن كۇشەيتىپ جاتىر. قازىرگى ۋاقىتقا دەيىن وندا 24 مىڭ اسكەري قىزمەتكەر، 613 تانكى جانە برونەكولىكتەر، 162 ارتيللەريالىق جۇيە، 100 شاقتى اسكەري ۇشاق، 56 تىكۇشاق، 16 زىمىران، 30 اسكەري سۋ كەمەسى جانە 4 سۋاستى كەمەسى بار", – دەپ مالىمدەدى كيەۆتە ۋكراينالىق اسكەري مەكەمەنىڭ وكىلى ۆاديم سكيبيتسكي.

ول سونىمەن بىرگە رەسەيدىڭ 2020 – 2025 جىلدار ارالىعىندا قىرىمعا اسكەر سانىن ەكى ەسەگە ۇلعايتۋدى قاراستىرىپ وتىرعانىن ايتادى.

رەسەي تارابى بۇل مالىمدەمەگە ءازىر جاۋاپ بەرمەدى. بىراق رەسەيدىڭ قورعانىس مينيسترلىگى قىرىمدا اسكەري وقۋ جاتتىعۋى ءجيى وتكىزىلەتىنىن جاسىرمايدى.

اباي-اقپارات

0 پىكىر