الماتى وبلىسىنىڭ تالعار اۋدانىندا "رۇقسات ەتىلمەگەن ميتينگ ۇيىمداستىردى" دەگەن ايىپپەن 15 تاۋلىككە اكىمشىلىك قاماۋعا الىنعان ماناس ءابدىماناپ پەن قۋانىش ءسۇلتانالي قاماۋدان بوساپ شىقتى. بۇل تۋرالى ازاتتىققا ماناس ءابدىماناپتىڭ تۋىسى ەربولات القوجا حابارلادى. ونىڭ سوزىنشە، ماناس پەن قۋانىشتى بۇگىن تاڭەرتەڭ بوساتقان.

پوليتسيا تالعار اۋدانى بىرلىك اۋىلىنىڭ تۇرعىنى، 1994 جىلى تۋعان ماناس ءابدىماناپتى مامىردىڭ 16-سى كۇنى كۇندىزگى ساعات 12-دە ۇيىنەن الىپ كەتكەن. ءابدىماناپتىڭ تۋىسى ەربولات القوجانىڭ ايتۋىنشا، نە سەبەپتى ۇستاپ جاتقانىن تۇسىندىرمەگەن پوليتسيا وزدەرىمەن بىرگە ماناستىڭ تەلەفونى مەن نوۋتبۋگىن دا الىپ كەتكەن. سوت ولاردى اكىمشىلىك كودەكستىڭ 488-بابى "رۇقسات ەتىلمەگەن ميتينگ ۇيىمداستىرۋ") بابىمەن ايىپتى دەپ تاپقان.

القوجا ءىنىسىنىڭ Facebook الەۋمەتتىك جەلىسىندە جەر ماسەلەسىنە قاتىستى ويلارىن، جەردى جالعا بەرۋگە قارسىلىعىن ءبىلدىرىپ جۇرگەنىن ايتادى.

ماناس ءابدىماناپ تالعارداعى دىنمۇحامەد قوناەۆ اتىنداعى ۋنيۆەرسيتەتتىڭ 4-كۋرسىندا وقىپ جۇرگەن.

اباي-اقپارات