بەيسەنبى, 28 ناۋرىز 2024
جاڭالىقتار 3842 0 پىكىر 23 ماۋسىم, 2016 ساعات 12:02

IWF قازاقستان اۋىر اتلەتيكا قۇراماسىن ءبىر جىلعا جارىستان شەتتەتتى

حالىقارالىق اۋىر اتلەتيكا فەدەراتسياسى (IWF) تبيليسيدە وتكەن جيىنىندا قازاقستان، رەسەي جانە بەلارۋس اۋىر اتلەتيكا قۇرامالارىن ءبىر جىلعا جارىستاردان شەتتەتۋ تۋرالى شەشىم شىعاردى.

IWF سايتىندا 22 ماۋسىمدا جاريالانعان مالىمدەمەدەء بىر جىلدىق سپورتتان شەتتەتۋ قاي ۋاقىتتان باستالاتىنى ناقتى كورسەتىلمەگەن. ۇيىم ىرىكتەۋ كەزىندە بىرنەشە مارتە دوپينگ سىناعىنان وتە الماعان قۇرامالاردىڭ ريو-دە-جانەيرو وليمپياداسىنا العان جولدامالارىن قىسقارتۋ تۋرالى شەشىم قابىلداعان. قازاقستان قۇراماسىنىڭ ءبىر ەرلەر سايىسىنداعى، ءبىر ايەلدەر سايىسىنداعى، جالپى سانى ەكى جولداماسى قىسقارعان. قازاقستاننىڭ اۋىر اتلەتيكا قۇراماسى دوپينگ داۋىنا دەيىن وليمپيادانىڭ 10 جولداماسىنا قول جەتكىزىپ تۇرعان ەدى. دوپينگ سىناعىنان وتە الماي جولداما جوعالتقان وزگە قۇرامالاردىڭ ىشىندە ازەربايجان (1 ەر، 1 ايەل), بەلارۋس (1 ەر), مولدوۆا (2 ەر), وزبەكستان (1 ايەل), رەسەي (1 ەر، 1 ايەل), رۋمىنيا (1 ەر) مەن سولتۇستىك كورەيا (1 ەر، 1 ايەل) بار.

حالىقارالىق اۋىر اتلەتيكا فەدەراتسياسى وسىعان دەيىن يليا ءيليننىڭ پەكين مەن لوندونداعى وليمپيادا ويىندارى كەزىندە الىنعان سىنامالارىنان دوپينگ تابىلعانىن مالىمدەگەن.

يلينگە قوسا لوندوندا التىن العان ءزۇلفيا چينشانلو، مايا مانەزا مەن سۆەتلانا پودوبەدوۆانىڭ دا سىنامالارى وڭ ناتيجە بەرگەن. بۇل ءتورت اتلەت قازىر ۋاقىتشا جارىستارعا قاتىسۋدان شەتتەتىلگەن.

ال قازاقستان ۇلتتىق وليمپيادا كوميتەتى سپورتشىنىڭ مەدالىن قايتارىپ بەرۋ جانە ريو وليمپياداسىنا قاتىسۋ ماسەلەسى 27 ماۋسىمدا حالىقارالىق وليمپيادا كوميتەتىنىڭ ءتارتىپ كەڭەسىندە شەشىلەتىنىن ايتقان.

اباي-اقپارات 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528