جەكسەنبى, 5 ءساۋىر 2020
COVID-19 قازاقستاندا. جۇقتىرعاندار — 531. جازىلعاندار — 36. قايتىس بولعاندار — 5
جاڭالىقتار 2058 0 پىكىر 27 ماۋسىم, 2016 ساعات 10:20

سيريادا اۋە شابۋىلىنان ونداعان بەيبىت تۇرعىن قازا تاپتى

دەير-ءاز-زور پروۆينتسياسىنداعى ءال-كۋريا اۋىلىندا مەرت بولعان 47 كىسىنىڭ 30-دان استامى – بەيبىت تۇرعىندار، قالعان ادامداردىڭ كىمدەر ەكەنى انىقتالىپ جاتىر دەپ حابارلادى ۇلىبريتانيادا ورنالاسقان سيريالىق ادام قۇقىعىن قاداعالاۋ ورتالىعى.

باتىس اگەنتتىكتەرىنىڭ حابارلاۋىنشا، اۋە سوققىسىن سيريا ۇكىمەت كۇشتەرى جاسادى ما، جوق الدە رەسەيلىك ۇشاقتار شابۋىلدادى ما – ول جاعى ازىرشە بەلگىسىز قالىپ وتىر.

"يسلام مەملەكەتى" ەكسترەميستىك توبى سيريانىڭ شىعىسىنداعى دەير-ءاز-زور پروۆينتسياسىنىڭ اۋقىمدى بولىگىن باقىلاۋدا ۇستاپ وتىر. 2015 جىلدىڭ ناۋرىز ايىنان بەرى ەكسترەميستەر دەير-ءاز-زور قالاسىنىڭ ۇكىمەت كۇشتەرى ۇستاپ تۇرعان بولىگىنە توسقاۋىل ورناتقان.

رەسەي اسكەري ۇشاقتارى بىلتىرعى قىركۇيەك ايىنان بەرى سيريا پرەزيدەنتى باشار اسادقا باعىنىشتى قارۋلى كۇشتەرگە اۋەدەن قولداۋ كورسەتىپ كەلەدى.

اباي-اقپارات

0 پىكىر