بۇگىن - قازاقستاننىڭ جۋرناليستەر قاۋىمىنىڭ مەرەكەسى كۇنى. مىنە، وسى اتاۋلى كۇننىڭ قارساڭىندا قازاقستاننىڭ اقپارات جانە كوممۋنيكاتسيالار ءمينيسترى داۋرەن اباەۆ مىرزا ءوزىنىڭ «فەيسبۋك» جەلىسىندەگى جەكە پاراقشاسىندا باق وكىلدەرىن ءتول مەرەكەلەرىمەن قۇتتىقتادى.

قىمباتتى ارىپتەستەر، قادىرلى بايلانىس جانە اقپارات سالاسىنىڭ قىزمەتكەرلەرى!

مينيسترلىكتىڭ جانە ءوزىمنىڭ اتىمنان بارشاڭىزدى كاسىبي مەرەكەلەرىڭىزبەن شىن جۇرەكتەن قۇتتىقتايمىن. 
سىزدەر - رەسپۋبليكالىق باسىلىمدار مەن تەلەارنالار قىزمەتكەرلەرىنەن باستاپ، قازاقستاننىڭ ءاربىر ەلدى مەكەنىندەگى بايلانىسشىلار مەن پوشتاشىلار، ەل يگىلىگىن ارتتىرۋعا ولشەۋسىز ۇلەس قوسىپ كەلەسىزدەر.
بۇگىندە ءبىز جاھاندىق دامۋ كوشىنەن قالماي تورتكۇل دۇنيەدەگى وقيعالاردان دەر كەزىندە حاباردار بولىپ وتىرساق، ول ەڭ بىرىنشى سىزدەردىڭ ارقالارىڭىزدا جۇزەگە اسۋدا. دوس-جاراننان، تۋعان-تۋىستان، اعايىننان جىلدام حابار العىزىپ، الىستى جاقىنداتىپ وتىرعان دا - سىزدەر. 
وسىناۋ مەرەيلى مەرەكەدە سىزدەرگە زور دەنساۋلىق، شىعارماشىلىق تابىس، كاسىبي جەتىستىك، وتباسىلارىڭىز بەن جاقىن-جۋىقتارىڭىزعا جاقسىلىق تىلەيمىن!

Abai.kz