Turkish Airlines پەن “ەير استانا” اۋەكومپانياسىنىڭ ۇشاقتارى سەيسەنبى كۇنى كەشكە ىستامبۇلدان الماتىعا جارىلىس بولاردان ءبىراز ۋاقىت بۇرىن عانا ۇشىپ كەتكەن.

بۇل تۋرالى قازاقستان جاڭالىقتارى حابارلايدى.

بۇعان دەيىن ىستامبۇلدىڭ حالىقارالىق اتاتۇرىك اۋەجايىندا ەكى دۇركىن جارىلىس بولعانىن حابارلاعان ەدىك.

ىستامبۇلدا اتاتۇرىك اۋەجايىنىڭ كىرە بەرىسىندە، شىعاتىن ايماعى مەن تۇراعىندا ءۇش جارىلىس بولعان. تۇركيانىڭ ادىلەت ءمينيسترىنىڭ مالىمدەۋىنشە،  جارىلىس سالدارىنان 31 ادام قازا تاۋىپ، 147 ادام جارالانعان.

«ەير استانا» ۇشاعى تۇركيادان كەشكى ساعات 21.55-تە ۇشىپ، الماتىعا 05.45-تە قونعان. Turkish Airlines ۇشاعىنىڭ استانا مەن الماتى اۋەجايىنان سارسەنبى كۇنگە جوسپارلانعان ۇشۋ باعىتتارى وزگەرتىلدى.

قازاقستاننىڭ ءسىم ءباسپاسوز قىزمەتىنىڭ جەتەكشىسى ىستامبۇلداعى ەلشى قىزمەتكەرلەرىنىڭ جارىلىستان قازا تاپقاندار مەن جارالانعاندار اراسىندا قازاقستاندىقتاردىڭ بار-جوعىن انىقتاپ جاتقانىن مالىمدەگەن ەدى.

Abai.kz