زاڭ پرەزيدەنتتىڭ 6 مامىردا شىعارعان جەر كودەكسىنىڭ كەيبىر باپتارىنىڭ كۇشىنە ەنۋىنە موراتوري جاريالاۋ تۋرالى جارلىعىن زاڭداستىرۋ ءۇشىن قابىلدانعان.

زاڭدا 2016 جىلى 2 قاراشادا قابىلدانعان "جەر كودەكسىنە وزگەرىستەر مەن تولىقتىرۋلار ەنگىزۋ تۋرالى" زاڭىنىڭ كەيبىر نورمالارىنا موراتويي قويىلاتىنى كورسەتىلگەن. ول نورمالاردا شەتەلدىكتەرگە نەمەسە ازاماتتىعى جوقتارعا، شەتەلدىك زاڭدى تۇلعالارعا جانە جارعىلىق كاپيتالىندا شەتەلدىكتەردىڭ ۇلەسى 50 پايىزدان كوپ زاڭدى تۇلعالارعا اۋىلشارۋاشىلىعى ماقساتىنداعى جەردى جالعا پايدالانۋعا بەرۋ قاراستىرىلعان. سونىمەن قاتار موراتوري ەنگىزىلگەن ەرەجەلەردە مەملەكەت مەنشىگىندەگى اۋىلشارۋاشىلىعى ماقساتىنداعى جەردى جەكەمەنشىككە بەرۋ دە كوزدەلگەن.

24 ساۋىردە اتىراۋ قالاسىندا "جەر ماسەلەسىنە" قاتىستى وتكەن العاشقى ءىرى شەرۋدەن كەيىن قازاقستاننىڭ وزگە دە بىرنەشە قالاسىندا كوپشىلىكتىڭ قاتىسۋىمەن نارازىلىق اكتسيالارى ءوتتى. اكتسيا بەلسەندىلەرىنىڭ ءبارى قاماۋعا الىندى. وسى شەرۋلەردەن سوڭ قازاقستان پرەزيدەنتى جەر كودەكسىندەگى شەتەلدىكتەرگە اۋىل شارۋاشىلىعى جەرىن جالعا بەرۋ مەرزىمىن 10 جىلدان 25 جىلعا دەيىن ۇزارتۋ تۋرالى داۋلى باپتارعا جىل سوڭىنا دەيىن موراتوري جاريالاپ، ۇكىمەت جانىنان جەر رەفورماسىن قوعاممەن تالقىلايتىن كوميسسيا قۇرىلعان.

اباي-اقپارات