جۇما, 29 ناۋرىز 2024
جاڭالىقتار 5571 0 پىكىر 1 شىلدە, 2016 ساعات 13:00

دۇكەنباي دوسجان وقۋلارى ءوتتى

قىزىلوردا وبلىسىنىڭ جاڭاقورعان اۋداندىق مادەنيەت ۇيىندە جازۋشى دۇكەنباي دوسجاننىڭ ءومىرى مەن شىعارماشىلىعىنا ارنالعان «عۇمىر-داريا» اتتى وبلىستىق ادەبي وقۋلار بايقاۋى بولىپ ءوتتى.

بايقاۋدىڭ نەگىزگى ماقساتى – قازاق ادەبيەتىنىڭ كلاسسيگى دۇكەنباي دوسجاننىڭ قازاق پروزاسىندا بالشەكەردەي ۋىز ءتىلدى، كوركەمدىك كوكجيەگى بايتاق، دۇنيەنى سۋرەتپەن كورەتىن، وزىندىك ورنى بار قالامگەردىڭ قازاق ادەبيەتى مەن مادەنيەتىنە قوسقان ۇلەسىن، ءومىرى مەن شىعارماشىلىعىن جاس بۋىن اراسىنا كەڭىرەك ناسيحاتتاۋ، ۇلگى ەتىپ جىر جولدارى ارقىلى ورنەكتەۋ. 
قىزىلوردا وبلىسى اكىمدىگىنىڭ قولداۋىمەن، قىزىلوردا وبلىسىنىڭ مادەنيەت، مۇراعاتتار جانە قۇجاتتاما باسقارماسى، وبلىستىق حالىق شىعارماشىلىعىن دامىتۋ جانە مادەني-پروديۋسەرلىك ورتالىعى مەن جاڭاقورعان اۋداندىق مادەنيەت جانە تىلدەردى دامىتۋ ءبولىمىنىڭ ۇيىمداستىرۋىمەن وتكەن بايقاۋعا قالا مەن اۋدانداردان جالپى 16 ونەرپاز قاتىستى.

وبلىستىق ادەبي وقۋلار بايقاۋىن اۋدان اكىمى رۋسلان رۇستەمۇلى اشىپ بەرىپ، قاتىسۋشىلارعا ساتتىلىك تىلەدى. بايقاۋعا تورەلىك جاسايتىن قازىلار القاسى قۇرامىندا «جاڭاقورعان تىنىسى» گازەتىنىڭ باس رەداكتورى ق.ءابدۋوۆ، اقىن، ءبىلىم سالاسىنىڭ ارداگەرى ر.ناۋرىزباەۆا جانە اقىن، «قازاقستان-قىزىلوردا» تەلەارناسىنىڭ رەداكتورى ق.ەسىمسەيىتوۆا بولدى.

بايقاۋ قورىتىندىسى بويىنشا جاڭاقورعاندىق 17 جاسار ىدىرىس داۋلەتحان باس جۇلدەگە يە بولدى.

دۇكەنباي دوسجان - كورنەكتى جازۋشى، كوركەمسوز شەبەرى، قر مەملەكەتتىك سىيلىعىنىڭ يەگەرى، م.اۋەزوۆ اتىنداعى ۇلتتىق سىيلىقتىڭ لاۋرەاتى، قر «قۇرمەت» جانە «پاراسات» وردەندەرىنىڭ يەگەرى، جاڭاقورعان، سىرداريا، وتىرار، سوزاق اۋداندارىنىڭ جانە تۇركىستان قالاسىنىڭ قۇرمەتتى ازاماتى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3621