تاجىكستان پرەزيدەنت اكىمشىلىگىنىڭ تاپسىرماسى بويىنشا، رامازان ايىندا شەنەۋنىكتەردىڭ، يمام-حاتيبتەر مەن كاسىپكەرلەردىڭ زەكەت بەرۋىن باقىلاۋ جۇمىسى ءدىن ىستەرى جانە سالت-داستۇرلەردى رەتتەۋ جونىندەگى كوميتەتكە تاپسىرىلدى.

تاجىكستان پرەزيدەنتى ەمومالي راحموننىڭ قىزى، پرەزيدەنت اكىمشىلىگىنىڭ جەتەكشىسى وزودا راحموننىڭ قولى قويىلعان وسىنداي قاۋلى 29 ماۋسىمدا وبلىس، قالا جانە اۋدان باسشىلارىنا، سونداي-اق مەشىت يمامدارى مەن كاسىپكەرلەرگە تاراتىلدى. قاۋلىعا سايكەس، شەنەۋنىكتەر، مەشىت يمامدارى مەن كاسىپكەرلەر وتباسى مۇشەلەرىنىڭ ءتىزىمىن، ورازا ايىندا بەرىلگەن زەكەت مولشەرىن پرەزيدەنت اكىمشىلىگىنە قوسا جازىپ وتكىزۋى ءتيىس.

تاجىكستاندا بيىل ورازانىڭ اياقتالۋىنا ارنالعان ايت مەرەكەسى 6 ماۋسىمدا اتاپ وتىلەدى. ەلدە 18 مىڭنان استام مەملەكەتتىك قىزمەتكەر، ءتورت مىڭنان اسا يمام-حاتيب بار.

اباي-اقپارات