نازارباەۆ مەملەكەتتىك يندۋسترياليزاتسيالاۋ باعدارلاماسىن ورىنداۋ بارىسىنىڭ العاشقى جارتى جىلدىق قورىتىندىسىنا ارنالعان كەڭەستە وسىنداي مالىمدەمە جاسادى، دەپ حابارلادى "ينتەرفاكس - قازاقستان" اقپارات اگەنتتىگى.

نازارباەۆ ەلدەگى ەكونوميكالىق بەلسەندىلىك "كەڭ كولەمدى مەملەكەتتىك قولداۋ مەن ينۆەستيتسيالار" ارقاسىندا ساقتالىپ تۇرعانىن ايتىپ ءوتتى. پرەزيدەنتتىڭ سوزىنە قاراعاندا، رەسپۋبليكا ەكونوميكاسى تاپ بولعان "جاڭا سىن-تەگەۋرىندەرگە" بايلانىستى يندۋسترياليزاتسيالاۋ باعدارلاماسىنا تۇزەتۋ ەنگىزۋ كەرەك.

"قازىر ءبىزدىڭ ەكونوميكانى جانداندىرۋدىڭ جاڭا تەتىكتەرىن قالىپتاستىرۋ قاجەت بولىپ تۇر. سوعان بايلانىستى الداعى جىلدارى ۇكىمەت كۇشىن ەكسپورت باعىتىنداعى ارتىقشىلىعى بار بىرقاتار سالاعا – ازىق-تۇلىك ءوندىرىسى، مەتاللۋرگيا، ماشينا جاساۋ، اگرو جانە مۇناي حيمياسىنا جۇمىلدىرۋ قاجەت", — دەگەن نازارباەۆ مالىمدەمەسىن "ينتەرفاكس - قازاقستان" تاراتتى. پرەزيدەنت "شيكىزاتتى ەكسپورتتاۋمەن عانا شەكتەلمەي، قايتا وڭدەۋ ءوندىرىسىن" دامىتۋ قاجەت ەكەنىن ايتىپ، سىرتقى نارىققا تاۋار شىعارۋدى قولداۋعا ارنالعان ءىس-شارالار جيىنتىعىن دايىنداۋدى ۇكىمەتكە تاپسىردى.

اباي-اقپارات