جۇما, 29 ناۋرىز 2024
46 - ءسوز 5358 0 پىكىر 4 شىلدە, 2016 ساعات 12:13

قازاق ارۋاق شاقىرادى

ءدىننىڭ تابالدىرىعىن اتتاعان ادام ۋاxابي بولادى. وقىعان ادام يمام بولادى. زەرتتەگەن ادام عالىم بولادى. ال ارۋاقتى تانىعان ادام اتا-بابا تۇسىنىگىمەن ۇندەسەدى.

ءيا، قازاق ارۋاق شاقىرادى. ارۋاق - اتا-بابالارىمىزدىڭ ەڭ ۇلىق جەتىستىگى. "ارۋاقتى سىيلايىق، قۇرمەتتەيىك" دەپ كۇمىلجيتىندەر ساناسىنىڭ سىلكىنۋى قاجەت. باتىرىڭقىراپ ايتساق، ول اعايىندار ۋاxابيلىك شالىق اسەرىنەن ارىلۋلارى قاجەت. كۇمان - يماندى جويادى. جالپى كىمنىڭ دە بولسىن ءبىر xالىقتىڭ سەنىم-نانىمىنان بيىك تۇرا المايتىندىقتارىن ۇعىنعانى ءجون.

ءبىز قايتالاۋدان جالىقپايمىز. سەبەبى بابالار جولىنىڭ xاقيقي ەكەندىگىنە بەك سەنىمدىمىز. قازاق ارۋاقتى اللاعا سەرىك قوسۋ ءۇشىن ەمەس، قايتا اللامەن ۇندەسىپ كەتۋ ءۇشىن شاقىرادى. ازىرگە تۇتاسىپ دەگەندى ايتپادىق. دالەل سۇراۋشىلارعا ايتارىمىز، "اللا سەندەرگە كۇرە تامىرلارىڭنان دا جاقىن" دەگەن ايات. وسىعان يلانساق، سوندا تۇتاسپاعاندا نە قالدى؟. ماسەلە قالاي تۇتاسۋدا. بىلگەن ءجون، ارۋاقسىز اللاعا ماڭايلاي دا المايسىڭ. ارۋاقتان تىسقارى جاسادىم دەگەن ءىس-ارەكەتتىڭ ءبارى اللاعا سەرىك بولادى.

جالپى اللاعا سەرىك قوسۋعا بولمايدى دەگەن تۇسىنىك ءدىن الىپپەسىن ۇيرەنىپ جۇرگەن بالانىڭ اڭگىمەسى. ادامعا اللاعا سەرىك بولاتىن ءبىر نارسە بار-اۋ دەگەن ويدىڭ كەلۋىنىڭ ءوزى دۇرىس ەمەس. اللاعا ەشنارسە ەشقاشان، ەشۋاقىتتا سەرىك بولا المايدى. بۇل - ءبىزدىڭ اتا-بابالارىمىزدىڭ تۇسىنىگى. ول ءۇشىن ارۋاق ءمانىن ۇعىنۋ قاجەت. قاراپايىم تىلمەن ايتايىق. ءسىز بەن ءبىزدىڭ جانىمىز بولماسا ناماز وقي المايمىز. وسىعان سەنەسىز بە؟ دۇرىس. رۋx دەگەنىمىز سول جان. دەمەك ءبىز جان بولماسا اللامەن بايلانىسا المايمىز عوي. مۇنى ءتۇسىنۋ ءۇشىن مەدرەسە تاۋىسۋدىڭ قاجەتى جوق. ەندى تاعى ءبىر ءتۇسىنىپ الاتىن جاعداي بار. سىزگە كورىنىپ تۇرعان، كورىنبەي تۇرعان بارلىق جاراتىلىستىڭ جانى بار. ونى جالپىلاما ارۋاق دەپ اتايمىز. ەندى وسىدان ارۋاقسىز اللامەن بايلانىسۋعا بولمايتىندىعىنا كوز جەتكىزۋگە بولادى عوي.

قازاق ارۋاق شاقىرعاندا وسى الەم تۇتاسادى. تۇتاسقان دۇعا-تىلەك اللانىڭ راxمەتىنە بولەيدى. 
شامالى تاپتىشتەڭكىرەپ كەتتىك. قۇدايشىلىعىن ايتقاندا، ءبىز اتا-بابالارىمىزدىڭ ءدىني تۇسىنىگىنىڭ قولىنا سۋ قۇيۋعا دا جارامايمىز.

قۇديار ءبىلال

Facebook-تەگى پاراقشاسىنان

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2271
عيبىرات

قايسار رۋحتى عازيز جان

مۇحتار قۇل-مۇحاممەد 3584