جۇما, 4 جەلتوقسان 2020
COVID-19 قازاقستاندا. جۇقتىرعاندار — 133887. جازىلعاندار — 118004. قايتىس بولعاندار — 1990
46 - ءسوز 3070 0 پىكىر 5 شىلدە, 2016 ساعات 10:06

يسلام اكا جارادى...

ادامنىڭ قارتايعان سايىن اقىلى تولادى دەگەن راس ەكەن. 
مەنىڭ كوزىم سوعان بۇگىن انىق جەتتى. 
جاسى 78-گە كەلگەندە وزبەكستان پرەزيدەنتى سونى دالەلدەدى.

يسلام اكا سۋرحانداريا وبلىسى تەرمەز اۋدانىنداعى ديحاندارمەن كەزدەسۋىندە «جوعارى جاقتا كوسەمىمىز وتىر" دەگەن سياقتى سوزدەردى كوپ ايتا بەرگەنىمىز ءجون ەمەس. ءبارىمىز اقىلمەن ءومىر ءسۇرۋىمىز كەرەك. بىزدە قاراپايىم ادام جوق. جۇرتتىڭ ءبارىنىڭ ويى، ومىرگە دەگەن كوزقاراسى بار. بۇل تۇرعىدان العاندا "نە ىستەۋ كەرەگىن انا جاقتا – جوعارىدا وتىرعاندار بىلەدى، ال ءبىز تەك بۇيرىقتى ورىندايمىز" دەگەن سوزدەردىڭ داۋرەنى ءوتتى. ءوز باسىم مۇنداي اڭگىمەلەرگە مۇلدە قارسىمىن» ("ازاتتىق راديوسىنىڭ" سايتى), – دەپتى.

مىنە، ۇلى ءسوز! ۇزاك جىل ەل باسقارىپ ابدەن ىسىلعان ناعىز كوسەمنىڭ ءسوزى!! مۇمكىن، وزبەك حالقىنىڭ جادىندا مانگى ساقتالاتىن سوڭعى وسيەت بولۋى مۇمكىن، بۇل ءسوز!

نەگىزىندە، ۇكىمەت وبلىستان، وبلىس اۋداننان، اۋدان اۋىلدان "بۇيرىق كۇتىپ" وتىرۋ كەرەك! نە كەرەك ەكەنىن، نە ىستەۋ قاجەت بولىپ تۇرعانىن ۇكىمەت ەمەس، تومەن جاق ايتۋ كەرەك! ۇكىمەت سوعان قاراپ جوبا-جوسپار جاساۋى، پرەزيدەنت ونى اتقارۋ تۋرالى بۇيرىق بەرۋى ءتيىس!

ءبىزدىڭ ۇكىمەت يسلام اكاسىنىڭ وسى دانالىعىن ەسىندە شىڭ تۇتقانى ءجون! اقىلدى اۋىلدى جەردەگى حالىقتان سۇراسىن، بۇيرىقتى سولاردان كۇتسىن! مينيسترلەر دە سولاي ەتسىن!! جامان بولمايدى ەشقاشان!

اۋىت مۇقيبەك

Facebook-تەگى پاراقشاسىنان

0 پىكىر