جۇما, 29 ناۋرىز 2024
بىلگەنگە مارجان 6562 0 پىكىر 8 شىلدە, 2016 ساعات 15:35

جان ادامنىڭ قاي جەرىندە ورنالاسقان؟


ءتان مەن جان وتە تىعىز بايلانىستى. ياعني، ءتان- جانىمىزدىڭ ايناسى. كوزگە كورىنبەيتىن بولىگىمىز كوزگە كورىنەتىن سۇلبامەن تولىققان. ءتىس اۋىرسا، قۇلاق، ءىش سىر بەرسە، دەرەۋ جانىمىزعا باتادى. جان دۇرىس ويلاۋىن دوعارادى. ول قولايسىزدىقتى سەزىنەدى. رەتتىلىكتى بۇزادى، اشۋ قىسادى. جان كۇيزەلىستە بولسا، ءتان قالىپتى تىرلىگىنەن اداسادى. تانگە زاقىم تيگىزگەن اۋرۋلار ەكىنشى ساناتتا. ويتكەنى، جانعا كەسىرىن تيگىزەتىن تىلەكتەر وعان پسيحولوگيالىق اۋىتقۋلار اكەلەدى، ولار ءبىرىنشى ساناتتاعى اۋرۋلار قاتارىندا. پسيحيكالىق ساۋلىعىمىز فيزيولوگيالىق ساۋلىعىمىزدان الدەقايدا ماڭىزدى. جان ساۋ بولسا، ءتان مىندەتتى تۇردە ساۋ بولادى.

جان تازا بولسا، نيەتى ىزگى، تىلەگى پاك بولسا، ادام كەز كەلگەن اۋرۋلاردان ادالانادى. ءبىرىنشى، ەكىنشى ساناتتاعىلاردى قوسىپ جەڭەدى.

وي تۇلعانى دامىتادى

ورەلى وي جانىمىزدى بيىك بەلەستەرگە جەتەلەيدى. جۇرەگىمىزدى كەڭ ەتەدى. قارا نيەت جاندى قوبالجىتادى. جان قاتتى كۇيزەلەدى، جامان ويدىڭ قۇرساۋىندا قينالادى. ءوز ويىن از دا بولسا قاداعالاي الاتىن ادامنىڭ ءسوز ساپتاسى سالماقتى، ساليقالى بولادى. داۋىسى اۋەزدى، ءوزىن-ءوزى بايسالدى ۇستايدى، ءتۇر الپەتى سىمباتتى، كوركەم، ال كوزىندە ايدىڭ نۇرى وينايدى، شۋاقتى، ساۋلەلى كەلەدى.

ويىمىزدى تازالاۋ ارقىلى وزىمىزگە سەنىمدى بولىپ، ءوزىمىزدى جاقسى باعالاپ، مىقتى تۇلعاعا لايىقتى مىنەزدەمە بەرىپ، ءوزىمىزدى وزگەرتىپ، جاقسى مىنەز قالىپتاستىرا الامىز. وي ويلاۋدى وزگەرتۋ ادەتتەردى، ۇستانىم مەن قابىلەتتى قالىپتاستىرىپ نەمەسە جويا الادى.

وي تاعدىردى وزگەرتەدى
ادام وي ەگەدى، سوسىن سونىڭ ەگىنىن ورادى. ارەكەت ەگىپ، ەسەسىنە ادەت الادى. ادەت ەگىپ، مىنەز الادى. مىنەز ەگىپ، تاعدىر جاسايدى.

ادام ءوز تاعدىرىن ءوز ويى مەن ارەكەتتەرى ارقىلى جاساپ شىعارادى.

ول تاعدىرىن وزگەرتە الادى. ءار ادام ءوز تاعدىرىنىڭ جاساۋشىسى. بۇعان كۇمان جوق. دۇرىس ويلاي بىلگەن، سوعان وراي ارەكەت ەتە بىلگەن ادام ءوز تاعدىرىنىڭ ىسمەرى بولا الادى. كەي ساۋاتسىز ادامدار كارما مەن تاعدىر ماڭدايعا جازىلعانى بويىنشا جۇرەدى دەپ ايتادى. بۇل بارىپ تۇعان فاتاليزم. ال، ول ءوز كەزەگىندە ينەرتسياعا اكەلەدى، ءبىر ورىندا تاپجىلماي تۇرىپ قالۋعا، كەدەي بولۋعا اپارادى. كارما زاڭدىلىقتارىن تۇسىنبەۋدىڭ ەڭ كۇرمەۋلى نۇسقاسى. بۇل قاتە پايىمداۋ. مۇنى دۇرىس ادام پىكىر دەپ قاراستىرماسى انىق. ءسىز ءوز تاعدىرىڭىزدى ىشىڭىزدەن جاسايسىز. ءوز ويىڭىزبەن. ءوز ارەكەتىڭىزبەن.
وي فيزيولوگيالىق وزگەرىستەرگە جەتەلەيدى
ويلاۋ جۇيەسىندەگى كەز كەلگەن وزگەرىس مەنتالدى دەنەدە ءدىرىل تۋعىزادى. ارى قاراي فيزيولوگيالىق تانگە اسەر ەتە وتىرىپ، ميدىڭ بەلسەندىلىگىن تۋدىرادى. جۇيكە جۇيەسىندەگى وسى بەلسەندىلىك كوپتەگەن ەلەكتروحيميالىق وزگەرىستەرگە جول اشادى. ادام قۇمارلىق، جەككورۋشىلىك، قىزعانىش، كۇيگەلەكتىك، اشۋشاڭدىق سياقتى ينتەنسيۆتى سەزىمدەرگە بوي الدىرادى. ولار اعزانىڭ جاسۋشالارىن جويىپ، جۇرەك، باۋىر، بۇيرەك، كوكباۋىر، اسقازان دەرتتەرىنىڭ تۋىنداۋىنا سەبەپشى بولادى.
ءار وي، ەموتسيا نەمەسە ءسوز ادام اعزاسىنداعى ءاربىر جاسۋشادا قۋاتتى تولقىن تۋدىرادى. مىقتى اسەر قالدىرادى. جاماندىق ويلاعاننان گورى دۇرىس ويدىڭ تولقىنىنا كوشىڭىز. سوندا ۇيلەسىمدى ءومىر مەن باي-قۋاتتى بەيبىت تىرشىلىككە قول جەتكىزەسىز. سۇيىسپەنشىلىك ويلار جەككورۋشىلىك ويلاردى بىردەن جويادى. وجەتتىك تۋرالى ويلار قورقىنىش ويلارىنا قارسى مىقتى قارۋ ەسەپتەلەدى.
وي تانگە عالامات كۇشپەن اسەر ەتەدى
قايعى مەن قۋانىش، سەنىمدىلىك پەن تۇيىقتىق تانىمىزگە بىردەن اسەر ەتەدى. اعزاداعى ءار جاسۋشا قايعىرىپ نەمەسە وسە الادى. ءومىر ءيمپۋلسىن نەمەسە ءولىم ءيمپۋلسىن قابىلدايدى. جانىمىزعا ەنگەن ءاربىر ويىمىز قاعيدا بويىنشا نە تۋرالى كوبىرەك ويلاساق، سونىڭ وبرازىن جاساپ شىعارادى. جانىمىز بەلگىلى ءبىر ويعا قاراتىلسا، سول ويدىڭ ۇستىنەن ءدوپ تۇسسە، ماتەريانىڭ بەلگىلى ءبىر ءدىرىلى قالىپتاسادى. وسى ءدىرىل نەعۇرلىم ءجيى قايتالانسا، وندا ونىڭ ادەتكە اينالۋى دا عاجاپ ەمەس. ءتان جاننىڭ قالاۋىن ورىندايدى. ونىڭ وزگەرىستەرىن سىرتقا شىعارادى. ءبىر نارسەگە كوڭىل توقتاتساڭىز، كوز جانارىڭىز سونى بەكىتەدى.
وي قورشاعان ورتانى قالىپتاستىرادى
قوعامدا ادامنىڭ تۇلعا بولۋى ورتاسىنا بايلانىستى دەيدى. شىن مانىندە مۇلدە ولاي ەمەس. ناقتى دالەلدەر كەرىسىنشە ەكەنىن كورسەتەدى. الەمدەگى ەڭ ۇلى ادامداردىڭ بارلىعى كەدەيشىلىكتە تۋىپ، جاعىمسىز ورتادا وسكەن. وتە لاس، ناس جەردە تۇرسا دا ەسەيە كەلە ولار الەمگە تانىمال بولعان.

ءسىزدىڭ السىزدىگىڭىزدە كۇش جاتقانىن ەستە ساقتاڭىز.

كەدەيلىك دەگەننىڭ وزىندە ءبىر قاسيەت بار. ول ادامدى بويۇسىنۋعا، كۇش پەن توزىمدىلىككە باۋليدى. ال، بايلىق جالقاۋلىققا، تاكاپپارلىققا، السىزدىككە جانە دە باسقا دا جامان ادەتتەرگە بوي الدىرتادى. جامان ورتادا ءومىر سۇرەم دەپ ودان كىنا تەرمەڭىز. ول كۇپىرلىك. ءوزىڭىزدىڭ ىشكى جان دۇنيەڭىزدى جاساڭىز. ءوز ورتاڭىزدى ءوزىڭىز قالىپتاستىرىڭىز. كەدەيلىككە قاراماستان ءوزىن جەتىلدىرىپ، بيىك بەلەستى باعىندىرعىسى كەلگەن ادام وتە مىقتى ادام. ونى ەشبىر كۇش قۇلاتا المايدى. ونىڭ جۇيكەسى مىقتى. ادام ورتا مەن جاعدايعا تاۋەلدى ەمەس. ادام ولاردى قاداعالاپ جانە وزگەرتە الادى. ونىڭ بارلىعى ءوزىنىڭ قابىلەتىنە، مىنەزىنە، ويىنا، جاقسى ىستەرىنە بايلانىستى بولماق.
الەكسەي لاريچەۆ،
اۋدارعان شىنار ءابىلدا «الاۋينفورم»

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544