سەنبى, 8 تامىز 2020
COVID-19 قازاقستاندا. جۇقتىرعاندار — 97829. جازىلعاندار — 71609. قايتىس بولعاندار — 1058
بيلىك 6138 0 پىكىر 12 شىلدە, 2016 ساعات 12:41

قوبدا بەتىندەگى قانداستار كومەككە ءزارۋ (فوتو)

قر ۇكىمەتىنىڭ جانە

دۇنيەجۇزى قازاقتارى

قاۋىمداستىعىنىڭ نازارىنا!

 

اپات ايتىپ كەلمەيدى. موڭعوليانىڭ بايان-ولگي ايماعىن مەكەندەگەن قانداستارىمىز ءتىلسىز جاۋ – اپاتقا تاپ بولدى. جاڭبىردىڭ مولشەردەن كوپ جاۋى سالداردارىنا سەل ءجۇرىپ، قانداستارىمىز سۋ تاسقىنان زور زارداپ شەگىپتى. بەيرەسمي دەرەكتەرگە قاراعاندا، ادام شىعىنى بار كورىنەدى. ءۇي، قورا-جايدى سۋ باسقان. دۇنيە-مۇلىكتەرىن سۋ العان. جەرگىلىكتى بيلىك اۋلالاردى باسىپ قالعان سۋ سورىپ، ەل-جۇرتقا كومەكتەسىپ جاتىر. موڭعوليا بيلىگى دە اعايىننىڭ باسىنا تۇسكەن اۋىرتپالىققا قول ۇشىن سوزادى دەپ ۇمىتتەنەمىز! الايدا، بايان-ولگەيدە قونىس تەپكەن اعايىن اتا مەكەندەگى – قازاقستانداعى قالىڭ قازاقتىڭ كومەگىنە، قولداۋىنا ءزارۋ! قانداسقا قول ۇشىن سوزىپ، كومەكتەسۋدە شەكارا بولمايدى! ءتىلسىز جاۋدان زارداپ شەككەن اعايىنعا كومەكتەسۋ، بار قازاقتى ءبىر قازاق دەپ بىلەتىن ءار ازاماتتىڭ ەل الدىنداعى ازاماتتىق بورىشى دەپ بىلەمىز ءارى ەلى بولەك، ەنشىسى بولەك دەپ ادامشىلىققا شەت ءىس جاساماي، قولدان كەلگەنشە الىستاعى باۋىرلارعا كومەك قولىن سوزادى دەپ ويلايمىز!

بايان-ولگي ايماعىنداعى قازاقتارعا كومەك بەرۋدە قازاقستان ۇكىمەتى دە قاراپ قالماۋى ءتيىس! جەر بەتىندەگى قازاقتاردىڭ جالعىز وتانى – قازاقستان! ال، شەتەلدەگى ءار قازاق بالاسى قيىن-قىستاۋ كەزدە قازاقستان بيلىگىنىڭ قامقورلىعىن سەزىنۋى ءتيىس! سوندىقتان، ءبىزدىڭ ۇكىمەت موڭعولياداعى قانداستارىمىزعا ارنايى كومەك ۇيىمداستىرۋى شارت! بۇل – ەلدىكتىڭ، اسىرەسە، ۇكىمەت ءوزى كوپ ايتاتىن بىرلىكتىڭ كورىنىس تاباتىن تۇسى! ال، ۇكىمەتتىك جانە قوعامدىق كومەكتى ۇيىمداستىرۋدا دۇنيەجۇزى قازاقتارى قاۋىمداستىعى ۇيىتقى بولسا، قۇبا-قۇپ. سەبەبى، بۇل ۇيىمنىڭ توراعاسى قر پرەزيدەنتى ن.نازارباەۆ ەكەنىن ەسكەرسەك، ەلباسىنىڭ اتىنان قانداستارعا جىلۋ جيناپ، سونى ۇيىمداستىرىپ، جەتكىزىپ بەرۋ، قاۋىمداستىقتىڭ مىندەتى.

دۇنيەنىڭ قاي قيىرىندا جۇرسە دە قازاق بالاسىن قانداسىم دەپ بىلەتىن ءار ازامات بايان ولگەيدەگى ەلگە كومەكتەسۋدەن شەت قالمايدى دەپ بىلەمىز!

ازاماتتار باس بولىپ، جىلۋ جيناپ جاتىر. كومەك قولىن سوزامىن دەگەن ازامات تومەندە كورسەتىلگەن ەسەپ-شوتقا مۇمكىندىگىنىڭ شەگىندە قاراجات اۋدارۋىنا بولادى.

ەسەپ-شوت اياتجان احمەتجان ەسىمدى ازاماتتىڭ اتىندا:

حالىق بانك:
4402 5775 0180 1032
ينن: 860718399050

نۇرا ماتاي

Abai.kz

0 پىكىر