ونىڭ ايتۋىنشا، قازاقستاننان تۇركياعا ۇشاتىن رەيستەر كەشكى ساعات 7-گە دەيىن توقتاتىلدى. سول ۋاقىتقا دەيىن توعىز اۋە كومپانياسىنىڭ 13 رەيسى شەگەرىلگەن. قازاقستاننان تۇركياعا ۇشۋدى كۇتكەن ازاماتتار سانى – 2300.

ء“بىز استانا، الماتى، ورال، قاراعاندى جانە اقتاۋ قالالارى اۋەجايىنداعى 13 رەيستى توقتاتتىق. جولاۋشىلار سانى 2300 ادام. بۇل توعىز اۋە كومپانياسىنىڭ اراسىندا قازاقستاندىق “ەير استانا”، “سكات” جانە ءتورت تۇرىك كومپانياسى بار. ءبىز سىرتقى ىستەر مينيسترلىگىمەن كەلىسىپ، رەيستەردى 19:00-گە دەيىن كەشىكتىرىپ وتىرمىز. ساعات 16:00-دە وقيعا تۋرالى قوسىمشا حابارلايمىز”، – دەدى قاماليەۆ.

ۆيتسە-مينيستر تۇركيانىڭ ءار تۇكپىرىندەگى 2500 قازاقستاندىقتىڭ بۇگىن-ەرتەڭ ەلگە ورالاتىنىن ايتتى. “ەگەر اۋەجايلار قالىپتى جۇمىس كەستەسىنە ورالسا، وندا جولاۋشىلار ءوز رەيستەرىمەن ەلگە ۇشىپ كەلەدى” دەدى ول.

ەسكە سالا كەتسەك، تۇركيا بيلىگى ەلدە اسكەري توڭكەرىس ارەكەتى بولعانىن مالىمدەگەن. قايتىس بولعاندار مەن جارالانعاندار اراسىندا قازاقستاندىقتار بار ەكەنى تۋرالى اقپارات تۇسپەدى. قازاقستاننىڭ سىرتقى ىستەر مينيسترلىگى تۇركياداعى ەل ازاماتتارىن حالىق كوپ شوعىرلانعان ورىندارعا بارماۋعا جانە بارىنشا ساقتىق جاساۋعا شاقىرۋدا.

بۇعان دەيىن تۇركيا پرەزيدەنتى ەردوعان ارنايى مالىمدەمە جاساپ، ۇيىمداستىرۋشىلاردىڭ قاتاڭ جازالاناتىنىن ايتقان بولاتىن.

قازىرگى تاڭدا ەلىمىزدەن تۇركياعا ۇشاتىن بارلىق اۋە رەيستەرى شەگەرىلدى جانە تۇركياداعى قازاقستاندىقتار ءۇشىن ماڭىزدى تەلەفون نومىرلەرى جاريا ەتىلدى. سونداي-اق، ىستامبۇلداعى “حابار” تىلشىسى تۇركياداعى جاعداي تۋرالى بايانداپ بەرگەن بولاتىن.

Abai.kz