جۇما, 29 ناۋرىز 2024
46 - ءسوز 4002 0 پىكىر 20 شىلدە, 2016 ساعات 11:49

كۇشتىك قۇرىلىمداردىڭ السىزدىگىن كورسەتتى

الماتىداعى جاعداي ءبىزدىڭ كۇشتىك قۇرىلىمدارىمىزدىڭ تۇككە العىسىز، ءالسىز ەكەنىن كورسەتتى. بۇل - كۇشتىك قۇرىلىمداردىڭ "سۇيەگىنە دەيىن" سىبايلاس جەمقورلىققا تاپ بولعانىن كورسەتەدى. ءبىر عانا ادامنىڭ مەملەكەتتەگى ەڭ ءىرى مەگاپوليستى بۇتىندەي دەرلىك ءبىر كۇن بويى "قان ىشكىزىپ", قاۋىپتىلىكتىڭ ەڭ جوعارى قىزىل دەڭگەيىنە ەنگىزگەنى ماسقارا ەمەس پە؟! "تەرروريست" جالعىز بولىپ جانىمىز قالدى. ال كوپ بولعاندا، قايتەر ەدىك؟ 

مۇنداي "تەرروردى" ولگەن ادامداردىڭ جانۇياسىنا اقوردادا وتىرىپ الىپ كوڭىل ايتۋمەن، قارجىلاي كومەك بەرىپ قولداۋمەن، ءتىپتى جازالاۋ زاڭىن قاتاڭداتۋمەن دە، نە ازايتا، نە توقتاتا المايسىڭ. مۇنىڭ "ەمى" - كۇشتىك قۇرىلىمداردارداعى تانىس-تامىرمەن جۇمىسقا ورنالاسقان بوس كەۋدەلەردى، پاراساتتى، ءبىلىمدى ماماندارمەن الماستىرۋ! 

سەبەبى، مەن ويلايمىن، بۇل " تەرروريست" بۇرىن دا ادىلەتتى سوتتالماعان! ول الگى ايەلدى دە ولتىرمەگەن بولسا كەرەك. ال ءبىزدىڭ "سۋپەر" تەرگەۋشىلەر وسىندايلارعا ءىستى ء"ىلىپ", قىلمىستى 100% "اشۋعا" شەبەر. بۇل قازىر قىلمىستى اشۋ، قىلمىسكەردى ۇستاۋ شاراسىنداعى وتە كەڭ تاراعان كۇندەلىكتى قولدانىستاعى ءتاسىل. 

تارازداعى ءوزىن ءوزى ورتەگەن بالا دا: "مەن ىستەمەگەن قىلمىستى موينىما ءىلىپ جاتىر" دەپ ءولدى. تۇرمەنىڭ تەڭ جارتىسى وسىنداي "جاساعان قىلمىسىمەن" وتىرعاندار. اۋىلدا ءبىر تاۋىق ۇرلاعان بالانىڭ موينىنا بۇكىل رايونداعى ۇرلانعان جىلقىلاردى ء"ىلىپ" جىبەرەتىنى، بەسەنەدەن بەلگىلى ءجايت. ال ناعىز قىلمىسكەر، ۇرىلار ەمىن-ەركىن ءوز "كاسىپتەرىن" جالعاستىرا بەرەدى. بۇلارعا سول كۇشتىك قۇرىلىمدارداعى "كرىشالارى" تەك: "ەندىگى جەردە بايقاپ، ساق بولىپ ءجۇر" دەپ ەسكەرتۋ عانا جاسايدى. 

جالپى، قىلمىستى ازايتۋ مەن قىلمىسكەرلەردى دەر كەزىندە ء(ىزىن "سۋىتپاي") قۇرىقتاۋ ستاتيستيكاسىن جۇرگىزۋ - ەلگە، ونىڭ ىشىندە جاستارىمىزعا كەلگەن ناۋبەتكە، اپاتقا اينالدى! كوپتەگەن تەرگەۋشىلەردىڭ جۇرەكسىزدىگى، ادامي قاسيەتتەرىنىڭ جوقتىعى سونشالىق، بارى-جوعى قىزمەتىم جوعارىلاي ما دەگەن ويمەن، ايتالىق، ماڭدايى جارقاراعان، كەلەشەگىنەن ۇلكەن ءۇمىت كۇتۋگە بولاتىن، وقىعان بالانى دا "قىلمىسكەر" دەپ، "مويىنداتىپ", جالعان جالامەن تۇرمەگە تىعا سالادى! 

سوندا ۇلتتىڭ كەلەشەگى نە بولماق؟ 

مىسالى، كەشەگىسى، بۇرىنعىسى بار، بارلىق "تەرروريستەردىڭ" دەنى جاپ-جاس جىگىتتەر. اياۋسىز قىرىپ جاتىرمىز. سوندا ولار كىمدەر؟ قايدان كەلدى؟ قالاي پايدا بولدى؟ وسى جاعىن نەگە ويلامايمىز؟ ەل بولامىز دەسەك، اداسقان جاستاردى اتۋ ەمەس، جونگە سالۋ كەرەك! سەبەبى، ولاردىڭ اداسۋى - بيلىكتىڭ كەزىندە جىبەرگەن ۇلكەن قاتەلىگى! 

بۇلار كەلەشەكتە كوبەيمەسە، ازاياتىن ءتۇرى جوق. سوندا ءبارىن تەگىس اتىپ ولتىرە بەرەمىز بە؟ 
ولاي بولمايدى! اربىردەن سوڭ، سول "تەرروريستەر" - قازاقتىڭ باتىر ۇلدارى! باتىر بولماسا، قولىنا اۆتومات ەمەس، استىنا تانك بەرسەڭدە، جاۋعا جالعىز شاپپايدى! "كەگىم كەتتى" دەگەن بوزداق شىعار، اتامىز دا تاستايمىز. ءتىرى قالسا، تۇرمەدە "اسىلىپ" ولەتىنى تاعى بەلگىلى. سوندا بۇدان كىم ۇتادى؟ قازاقتىڭ باتىرلىق گەنوفوندىن كىم ساقتايدى؟ قالاي يلەسەڭ، سولاي كونە بەرەتىن "تەرروريست" ەمەس، قازىرگى زاماننىڭ سۇيكىمدى "بالدارى" ما؟

بۇل مەنىڭ "تەرروريستەردى" اقتاعانىم ەمەس، جاستارىمىزدى ساقتاعانىم. سوندىقتان زەرتتەۋ كەرەك. ولاردىڭ ونداي جولعا ءتۇسۋىنىڭ تۇپكى سەبەبىن اشۋ كەرەك! بيلىكتىڭ وسىنى ىستەۋ، ياعني كەزىندە وزدەرى جىبەرگەن قاتەلىكتەرىن ەڭ بولماسا ەندى جوندەۋ قولدارىنان كەلمەسە، كەتسىن. ورىندارىنا ىسكەرلەر كەلسىن.

بولماسا، قاراڭدارشى، شەنەۋنىككە جاقسى. ءولىپ جاتقان - پوليتسياسى دا، "تەرروريستى" دە، قاراپايىم حالىق وكىلدەرى. قاۋىپتىڭ استىندا قالاتىن - حالىق. ال وزدەرى، "قىرىق قابات قورعاننىڭ ىشىندە" ءدىن امان، ەشقانداي قاۋىپ-قاتەر جوق. راحات! 

بۇلاي بولمايدى! ەل امان، جۇرت تىنىشتا، بيلىك ەسىن جيسىن! كەش قالماسىن! جاستاردى اپاتتان امان الىپ قالۋدىڭ جولىن جاساسىن! 

P.S. سوڭعى اقپاراتتارعا قاراعاندا "تەرروريست" - رۋسلان كۋليكباەۆ بۇگىن اۋىرۋحانادان سيزوعا اۋىستىرىلىپتى. ەندى قارادا تۇرىڭىز، وسىدان ەكى-ءۇش كۇن وتكەندە ول ء"وز-وزىنە قول جۇمساپ", قايتىس بولاتىنىنا مەن سەنىمدىمىن. سەبەبى، پوليتسيا وندايلاردى كەشىرمەيدى. "اسىلىپ ولدىگە" شىعارادى. مۇنى جوعارى شەندىلەردە ءۇنسىز قولدايدى. 

ال ونىڭ ورنىنا، ول بالا نەگە بۇنداي قادامعا باردى؟ ماجبۇرلەگەن نە؟ كىنالى كىمدەر؟ سوت، پروكۋراتۋرا، پوليتسيا قىزمەتكەرلەرىنە نەگە وشتەستى؟ كەتكەن كەگى قانداي؟ مىنە وسى سۇراقتاردىڭ جاۋابىن تاپسا، سوسىن بارىپ، كىنالىلەردى (سوت، پروكروتۋرا، پوليتسيا قىزمەتكەرلەرىن دە) ءادىل جازاعا تارتسا، كەلەشەككە جاقسى ساباق بولار ەدى! 
ءاي قايدام!

گەرويحان قىستاۋباەۆ

Facebook-تەگى پاراقشاسىنان

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576