بەيسەنبى, 28 ناۋرىز 2024
جاڭالىقتار 5261 2 پىكىر 25 اقپان, 2016 ساعات 15:05

قىمبات كولىكتەر كبتۋ ستۋدەنتتەرىنىكى ەمەس

قازاق-بريتان تەحنيكالىق ۋنيۆەرسيتەتىنىڭ رەكتورى ەسكەندىر بەيسەمبەتوۆ الماتى اكىمى باۋىرجان بايبەكتىڭ قىمبات كولىك مىنەتىن ستۋدەنتتەر جايلى پىكىرىنە قاتىستى ويىن ايتتى، – دەپ حابارلايدىTengrinews.kzء تىلشىسى. ونىڭ پىكىرىنشە، جاستار ءۇشىن قىمبات كولىك باستى ۇستانىم بولماۋى كەرەك.

“مەن ءۇشىن ەڭ باستىسى، ستۋدەنتتەرىمىزدىڭ ءوز ينتەللەكتى مەن ىشكى الەمى مولشىلىق اتريبۋتتارىمەن سالىستىرعاندا ماڭىزدى، اينالامىزدا كومەككە مۇقتاجدار كوپ، تۇلەكتەرىمىزدىڭ ماقساتى – ءوز اقىلىمەن جانە بىلىمىمەن ءوزىنىڭ عانا ەمەس، وزگەلەردىڭ دە جاعدايىن قامتاماسىز ەتۋ”، – دەدى قازۇتزۋ مەن قبتۋ رەكتورى ەسكەندىر بەيسەمبەتوۆ.

ال ۋنيۆەرسيتەت قىزمەتكەرلەرى قبتۋ ماڭىنداعى بارلىق قىمبات كولىك ستۋدەنتتەردىكى ەمەس دەيدى. ولاردىڭ مالىمەتىنشە، اينالادا ءىرى قارجى مەكەمەلەرى مەن اكىمشىلىك عيماراتتار بار، ولاردىڭ قىزمەتكەرلەرى مەن كەلۋشىلەرى جوعارى وقۋ ورنىنىڭ ماڭىنا كولىك قويادى. سونىمەن قاتار، مالىمەتتەرىنشە، كەشكى ۋاقىتتاردا الماتىنىڭ جاستارى كەلەدى ەكەن.

ەسكە سالايىق، كەشە باۋىرجان بايبەك حالىققا ەسەپ بەرۋ كەزدەسۋىندە قبتۋ عيماراتىنىڭ الدىنا كولىكتەرىن قويىپ كەتەتىن ستۋدەنتتەر جايلى پىكىر بىلدىرگەن بولاتىن. ونىڭ ايتۋىنشا، دات ساۋلەتشىسى يان گەيلدىڭ كونتسەپتسياسىنا سايكەس، وقۋ عيماراتىنىڭ الدىنداعى كولىكتەردى الىپ تاستايدى ەكەن.

“قبتۋ الدىندا مىڭداعان كولىك تۇر. بالامەن دە، بالااربامەن دە ءوتۋ مۇمكىن ەمەس. نەلىكتەن بۇدان قاراپايىم ادامدار زارداپ شەگۋى كەرەك؟ مۇندا دا ستۋدەنتتەر، بۇل سولاردىڭ كولىكتەرى. قىمبات كولىكتەرمەن جۇرەدى. الىپ تاستاۋ كەرەك! ۆەلوسيپەدپەن نەمەسە جاياۋ ءجۇرسىن. كەيىن سوعان اقشا تاۋىپ، ساتىپ السىن. مۇندا جاياۋلاردىڭ جۇرۋىنە جاعداي جاساۋ كەرەك. يان گەيلدىڭ قۇرىلىمداۋى بويىنشا. ءبىز وسى ىسپەن اينالىسامىز”، – دەدى باۋىرجان بايبەك حالىققا ەسەپ بەرۋ كەزدەسۋىندە.

اباي-اقپارات

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3516