- اللو، ءسالاماتسىز با؟! قالىڭىز قالاي؟، - دەدى ءىنىمنىڭ 6 جاسار ۇلى ادەتتەگىدەي قوڭىراۋ سوعىپ.
- ءسالاماتسىڭ! ءوزىڭ قالايسىڭ؟
- جاقسى.
- قانداي جاڭالىعىڭ بار، بالاپان؟
- ەشقانداي. ءسىز نە ىستەپ جاتىرسىز؟
- مەن سەنىڭ تويىڭا دايىندالىپ جاتىرمىن. ەستۋىمشە، ۇيلەنگەلى جاتىر ەكەنسىڭ عوي؟، - دەدىم نە دەر ەكەن دەپ.
- ا، جوق ءالى ۇيلەنبەيمىن عوي...
- ا، جاقسى كورەتىن قىزىڭ جوق پا؟، - دەدىم
- بار عوي!، - دەدى سەنىمدى داۋىسپەن جۇلىپ العانداي.
- بار بولسا ۇيلەنبەيسىڭ بە؟
- ءسال كۇتە تۇر دەدى اجەسى. ءۇش قىزىنىڭ بىرەۋىن تاڭدايىن دەپ ءجۇرمىن... 
مەن كۇلىپ:
- اجەسىمەن تانىسىپ ۇلگەردىڭ بە؟ قىز قانداي، كەت ءارى ەمەس شىعار؟ ادەمى مە؟
- بىلمەيمىن. 
- بىلمەسەڭ قالاي الاسىڭ؟ مىنەزى جاقسى شىعار؟
- وي ماما، بىلمەيمىن دەيمىن. مەن ءالى ءتۇرىن دە كورگەن جوقپىن ول قىزداردىڭ. مەن ۇيىنە قىدىرىپ بارعاندا ساديككە كەتىپ قالىپتى. بىراق قاتتى جاقسى كورەم.
- كورمەگەن قىزدى قالاي جاقسى كورۋگە بولادى؟ الدىمەن قىزدى كورۋىڭ كەرەك.
- ماما، مەن كورمەي اق قاتتى جاقسى كورىپ قالدىم. الام. ويتكەنى قىزدىڭ اكەسىندە دجيپ، ۇيلەرى دە كۇشتى!، - دەگەندە سوزىمە ءتۇيىلىپ قالدىم...

قۇرالاي سەيسەنبەكقىزى

Facebook-تەگى پاراقشاسىنان