سسرو-نىڭ ەكس-پرەزيدەنتى ميحايل گورباچەۆ ماسكەۋدە "ومىردەگى گورباچەۆ" دەپ اتالاتىن كىتابىن جارىققا شىعاردى.

تۇساۋكەسەر ءراسىمى گورباچەۆتىڭ 2 ناۋرىزدا 85 جاسقا كەلەتىن مەرەيتويى قارساڭىندا ءوتتى.

29 اقپاندا ماسكەۋدە كىتابىن ۇسىنىپ تۇرىپ گورباچەۆ "مەن ءوزىمنىڭ ءومىرىمدى كوپ ويلاعان سايىن، ەڭ ۇلكەن وزگەرىستەر مەن وقيعالار كەنەتتەن ورىن العانىن كورەمىن" دەدى. ول ءوزىنىڭ كىتابى رەسەيلىكتەرگە قازىرگى بولىپ جاتقان جايتتاردى تۇسىنۋگە كومەكتەسەدى دەپ ۇمىتتەنەتىنىن ايتتى.

1985 جىلى سوۆەت وداعىن باسقارىپ تۇرعان گاربوچەۆ بارىنشا اشىقتىق رەفورماسى باعىتىندا قايتا قۇرۋ ساياساتىن ەنگىزدى. ناتيجەسىندە ورتالىق جانە شىعىس ەۋروپادا سوتسياليستىك جۇيە كۇيرەپ، 1991 جىلى سوۆەت وداعى تارادى.

كىتاپتى قۇراستىرعان ۆلاديمير پولياكوۆ پەن كارەن كاراگەزيان بۇل كىتاپ گورباچەۆتىڭ وزگە كىتاپتارىن قايتالمايتىنىن، اۆتور وسىعان دەيىن ايتىلماي كەلگەن ءومىرىنىڭ وتە ماڭىزدى ساتتەرىن ەسكە الادى دەدى.

Abai.kz