بەيسەنبى, 28 ناۋرىز 2024
قوعام 5700 1 پىكىر 1 ناۋرىز, 2016 ساعات 11:17

قالقامانداعى جول قاشان وڭالادى؟

قالا شەتىندە ورنالاسقان شاعىن اۋداندارداعى جول ماسەلەسى ونداعان جىلدار بويى شەشىمىن تاپپاي كەلە جاتىر. جىلدىڭ ءتورت مەزىگىلىندە جۇرتتىڭ زىقىسىن شىعارعان جول ماسەلەسىن ايگىلى ءانشى، قر ەڭبەك سىڭىرگەن قايراتكەرى ەركىن شۇكىمان ءوزىنىڭ فەيسبۋكتەگى جەكە پاراقشاسىندا الماتى قالاسى اكىمى باۋىرجان بايبەك مىرزانىڭ نازارىنا دەپ جاريالاعان ەكەن. جول جاعداي ءبىر ادامنىڭ عانا ەمەس، تۇتاس اۋدانداردىڭ وزەكتى ماسەلەسى ەكەنىن ەسكەرىپ، ءانشىنىڭ اكىمگە جازباسىن وزگەرىسسىز جاريالاپ وتىرمىز.

abai.kz

 

الماتى قالاسىنىڭ əكىمى باۋىرجان بايبەك مىرزانىڭ نازارىنا!

 

بۇل - قالقامان-2 ىقشام اۋدانىنداعى كوشەلەردىڭ بىرەۋىنىڭ عانا كورىنىسى. قازىر قالقاماندا ەشقانداي كوشەدە جول جوق. بۇل حراپۋنوۆتىڭ كەزىندە وسىنداي بولاتىن. حالىق وزدەرى جينالىپ، اقشا جيناپ، əر جىلدارى باللاس توسەپ، جوندەگەن بولادى. سوندا دا ارنايى اسفالت توسەلمەگەسىن جىلدا وسىنداي... قالانىڭ بۇرىنعى اكىمى ەسىموۆتىڭ دا بۇعان كوڭىل اۋدارارعا شاماسى بولمادى. شايتان ارباعا ءمىنىپ-ءمىنىپ كەتتى دە قالدى. ونىمەن قويماي بۇل كوشەلەردە التىن بارداي ءبىر ەمەس، ءۇش-ءتورت رەت قازىلدى. ءبىر رەت سۋ تارتتى. ەكىنشى رەت تاعى دا بۇرىنعى سۋ قۇبىرىن الىپ تاستاپ، پلاستماسس قۇبىر تارتتى. ءۇشىنشى رەت كاناليزاتسيا دەپ قازدى. ارتىنان اسفالت جايماسا دا دۇرىستاپ تەگىستەپ، تاس ارالاس قۇم بولسىن سەۋىپ كەتپەيدى. اراسىندا جەتى-سەگىز كوشەگە اسفالت توسەپ ەدى، ءۇش-ءتورت جىلدان كەيىن ولاردى تاعى قازىپ تاستادى. ونىڭ ۇستىنە وسى كوشەلەردە جۇمىس جاساعان مەردىگەرسىماقتار جۇمىستى ءبىتىرىپ بولمايدى. بۇل كوشەلەردىڭ وسىنداي حالدە تۇرعانىنا مەن بىلگەلى باقانداي ون بەس جىل بولدى. بۇل كوشەمەن جاياۋ تۇگىلى كولىكپەن ءجۇرۋ پروبلەما. الماتىدا قىستى كۇنى دە قارا جەرگە تۇسكەن قارىڭىز ەرىپ-ەزىلىپ جاتاتىنىن ويلاساق، ەندەشە جىل ون ەكى اي ەلدىڭ كورەتىن كۇنى - وسى.

قۇرمەتتى əكىم مىرزا، سىزدەن تەك ءبىر كۇن عانا جۇمىسىڭىزعا ءبىزدىڭ كوشە ارقىلى بارىپ قايتۋىڭىزدى سۇرايمىن...

قۇرمەتپەن كوشە تۇرعىندارى اتىنان قر ەڭبەك سىڭىرگەن قايراتكەرى شۇكىمان ەركىن

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532