جۇما, 29 ناۋرىز 2024
جاڭالىقتار 4016 0 پىكىر 2 ناۋرىز, 2016 ساعات 09:44

ماسكەۋدەگى بالا ءولىمى. پوليتسيا ۇلتشىلدارمەن سويلەسىپ جاتىر

پوليتسەيلەر ماسكەۋدەگى بالانى اسقان قاتىگەزدىكپەن ولتىرۋدەن كەيىن ۇلتارازدىعى تۋىپ كەتە مە دەگەن قاۋىپپەن ۇلتشىل قوزعالىس وكىلدەرىمەن الدىن-الا اڭگىمەگە تارتىپ جاتىر.

مۇنداي شارالار باق "وكتيابرسكوە پولە" مەترو ستانساسىنىڭ ماڭىندا قارا كيىنگەن ايەلدى ۇستاعانى تۋرالى حابار تاراسىمەن قولعا الىنعان. ول "اللاحۋ اكبار" دەپ ايعايلاپ، ءوزىن جارىپ جىبەرەتىنىن ايتىپ قورقىتقان ەدى. پوليتسيا ۇستالعان كۇدىكتىنىڭ اتى-ءجونى وزبەكستاننىڭ سامارقاند وبلىسىنان كەلگەن گيۋلچەحرا بوبوكۋلوۆا ەكەنىن جانە ونىڭ ءوزى ولتىرگەن بالانىڭ كۇتۋشىسى بولعانىن حابارلادى.

فەدەرالدى ارنالاردىڭ باسىم بولىگى بۇل ءولىم تۋرالى جاق اشپادى. ربك ارناسىنداعى دەرەككوز ۇلتشىلدار كوتەرىلىپ كەتە مە دەگەن قاۋىپپەن گيۋلچەحرا بوبوكۋلوۆا تۋرالى جاڭالىقتى ەفيرگە بەرمەۋ تۋرالى ۇسىنىس تۇسكەنىن ايتتى. كرەمل تەلەارنالارعا مۇنداي نۇسقاۋ بەرگەنىن جوققا شىعارسا دا، ونداي شەشىمدى قولديتىنىن ءبىلدىردى.

ەستەرىڭىزگە سالا كەتەيىن، 2010 جىلدىڭ جەلتوقسانىندا فۋتبول جانكۇيەرى ەگور سۆيريدوۆتىڭ ولىمىنەن سوڭ بىرنەشە مىڭ ادام ماسكەۋدىڭ ورتالىعىنداعى مانەج الاڭىنا كەلىپ، رۇقسات ەتىلمەگەن ميتينگ ۇيىمداستىرعانى بار. كرەمل قابىرعاسىنا نەگىزىنەن فۋتبول فاناتتارى مەن راديكالدى ۇلتشىلداردان تۇرعان 5 مىڭنان 10 مىڭعا دەيىن ادام جينالعان. الاڭدا سولتۇستىك كاۆكازدان كەلگەن بىرنەشە ادام سوققىعا جىعىلدى. ول كەزدە ءنوپىر ادام پوليتسيا شەبىن بۇزىپ ءوتىپ، ارتپسىزدىكتەر جاساعان بولاتىن. ناتيجەسىندە 29 ادام اۋرۋحاناعا جەتكىزىلدى. 

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616