جەكسەنبى, 26 ماۋسىم 2022
مايەكتى 4445 0 پىكىر 2 ناۋرىز, 2016 ساعات 10:13

پارلامەنت ساحنا، رينگ نەمەسە شتانگى كوتەرەتىن الاڭ ەمەس

ساياسي ناۋقاندا ءتىزىم بويىنشا تىركەلگەن  پارتيالار مەن  دەپۋتاتتىققا  ۇمىتكەرلەر (ىشىندە ەلگە ەش ەڭبەگى سىڭبەگەن، حالىق مۇلدە تانىمايتىن ادامدار بار)  ەل ارالاپ، حالىقپەن كەزدەسىپ  قاربالاس ۇستىندە ءجۇر. 5-شاقىرىلىمداعى ءمəجىلىس دەپۋتاتتارىنىڭ  وزدەرىن تاراتۋدىڭ باستى سەبەپتەرى: əلەمدەگى ساياسي جəنە ەكونوميكالىق جاعداي دەگەن ەدى. الايدا سول ءماجىلىستى تاراتۋعا تىكەلەي سەبەپشى بولعان  əر پارتيانىڭ فراكتسيا  توراعالارى وزدەرىن جəنە بۇرىنعى پارتيا مۇشەلەرىنىڭ  كوپشىلىگىن قايتىپ سايلاۋعا (جالپى 40 پروتسەنتى) ۇسىنعان. سوندا كىم ۇتادى؟ 

نە وزگەرەدى؟  كىمگە پايدا؟  كىمگە زيان؟ Əرينە  سايلاۋعا ۇسىنعان تىزىمدەرىندە اتقارعان يگى ىسىمەن، جاساعان ادال قىزمەتىمەن ەلگە تانىمال ەلجاندى ازاماتتار  بارشىلىق.  بىراق  قوعامدىق-ساياسي ءومىر تاجىريبەسىنەن وتپەگەن،  حالىقتىڭ مۇڭ-مۇقتاجىنا ارالاسپاعان  ونەر جۇلدىزدارى مەن سپورت تارلاندارىنىڭ دەپۋتات ورىندىعىنا وتىرعانىن ءوز ويىم قۇپ كورمەيمىن. جəنە دە پارلامەنت تەك بيلىكتى سىناپ-مىنەۋ ءۇشىن نەمەسە جەكە ماقساتتا بىرەۋدى جامانداۋ ءۇشىن باراتىن ازاماتتاردىڭ  مىنبەسى بولماۋى ءتيىس.  Əلبەتتە  شىنايى جəنە مəدەنيەتتى تۇردە سىن كەرەك.  سىن دەگەن əركىمنىڭ ويىنا ءتۇسىپ،  اۋزىنا كەلگەنىن ايتۋ ەمەس. سىندى الدىمەن ايتۋ ءۇشىن، سول سىن ايتاتىن ادامنىڭ  ء(مينيستردىڭ، əكىمدەردىڭ، əر سالا باسشىلارىنىڭ) ورنىنا الدىمەن ءوزىن قويىپ، ەگەر مەن ونىڭ ورنىندا بولسام "نە جاسار ەدىم، قالاي ىستەر ەدىم" دەپ əبدەن ويلانۋ كەرەك. سىن ايتىلعاننان كەيىن حالىقتىڭ كوكەيىندەگى ماڭىزدى مəسەلەرلەردىڭ ءتۇيىنىن  شەشۋ، ەلدەگى كوپتەن قوردالانىپ قالعان ءىستىڭ تەتىگىن تابۋ جəنە كەز كەلگەن ساتتە تىعىرىقتان شىعۋ جولدارىن ءوزى ناقتى كورسەتۋى ءتيىس.  سەبەبى  پارلامەنت  ءمəجىلىسى ساياساتتان ساناسى اۋلاق ادامداردىڭ اۋىزدارىنا كەلگەنىن ايتاتىن وشاق باسى ەمەس.

ونەر ادامدارى كونتسەرت قوياتىن ساحنا ەمەس.  سپورتشىلاردىڭ بوكستەسەتىن رينگى نەمەسە شتانگى كوتەرەتىن الاڭى ەمەس. ولاردى جينايتىنداي پارلامەنت دەپۋتاتتارىن əلەمدىك سپورتتىق جارىستار مەن ونەر بايقاۋلارىنا قاتىستىرمايمىز عوي. پارلامەنت - ەلدىڭ ساياساتىن شىڭدايتىن دەموكراتيالى جəنە ەكونوميكامىزدى تۇراقتاندىراتىن ءزىلدى زاڭداردى شىعارۋشى، سونداي-اق، مەملەكەتتىڭ ىشكى جəنە سىرتقى قاۋىپسىزدىگىن قامتاماسىز ەتەتىن قاۋقارلى جəنە حالىقتىڭ əلەۋمەتتىك تۇرمىسىن كوتەرەتىن ءəدىل، ۇلتتىق سانامىزدى وياتاتىن رۋحتى زاڭدار  شىعارۋشى قاسيەتتى ورگان.  سول سەبەپتى قازىرگى جاھانداعى ساياسي احۋال مەن əلەمدى شارپىعان ەكونوميكالىق داعدارىس كەزەڭىندە جاڭادان جاساقتالعان پارلامەنت ءماجىلىسى تورىندە ساياساتتى سارالاي الاتىن، تاريح تاعىلىمىن تەرەڭ بىلەتىن، زاڭنىڭ əر بابى مەن تارماعىن زەردەلەي بىلەتىن جəنە قارجى مەن ەكونوميكانى تۇيىندەي بىلەتىن، ۇتىمدى ۇسىنىس ايتا الاتىن ەلجاندى، ۇلتتىق رۋحى جوعارى ازاماتتار وتىرۋلارى ءتيىس. ونداي ازاماتتار ەلىمىزدە كوپتەپ سانالادى. 

اباي اقىنشا ايتسام، "ەگەردە قولىمدا "زəكونى" بار پاتشا بولسام ەل جاعدايى مەن حالىق مۇڭىن شىنايى ايتىپ، باعىت -باعدار كورسەتەتىن، ءومىر باسپالداعىنان ورلەي وتكەن ءور مىنەزدى زيالى ادامداردى جانە قوعام قايراتكەرلەرىن ۇسىنار ەدىم.  نەگە ەكەنى بەلگىسىز، ولارعا پارلامەنتتىڭ اۋىلى əزىرشە الىس بولىپ تۇر. 

تالعات قاتاۋوۆ 

Abai.kz

0 پىكىر