جەكسەنبى, 3 ناۋرىز 2024
مايەكتى 5003 0 پىكىر 2 ناۋرىز, 2016 ساعات 11:32

پلانەتا وليگارحتارىنىڭ قاتارىندا سول باياعى ءبىزدىڭ «بەسەۋ» ءجۇر...

جاقىندا اقش-تىڭ تانىمال Forbes ىسكەرلىك جۋرنالى  2016 جىلدىڭ ەسەبى بويىنشا جەر شارى ميللياردەرلەرىنىڭ ءتىزىمىن جاريالادى. جاھاندىق داعدارىس پەن قور نارىعىنىڭ قۇلدىراۋى الەمنىڭ ەڭ اۋقاتتىلارىنىڭ قالتاسىنا دا سالماق سالسا كەرەك. 2009 جىلدان بەرى ەش وزگەرمەگەن داۋلەتتىلەردىڭ ءتىزىمى 16 ادامعا قىسقارىپ، 1810 ادامدى قۇراعان. جەكە كاپيتالدارى ميللياردتتان اسىپ تۇسكەن باي ماناپتاردىڭ قاتارىنا 5 قازاقستاندىق كىرگەن.

راس تىزىمگە ەنگەن بەس قازاقستاندىقتىڭ ىشىندە جاڭا ەسىم جوق.

Forbes-ءتىڭ قۇرمەتتى تىزىمىنە قاتىسۋشىلاردىڭ جالپى جيناق قاراجاتى – 6,48 تريلليون دوللاردى قۇراعان.

الەمنىڭ ەڭ اۋقاتتى ادامدارىنىڭ قاتارىنان 221 ادام شىعىپ كەتسە، ولاردىڭ ورنىن جاپ-جاڭا  198 ميللياردەر تولىقتىرعان. 2015 جىلمەن سالىستىرعاندا بيىلعى تىزىمدە 892 ميللياردەردىڭ كاپيتالىكەمىپ، كەدەيلەسىپ قالىپتى.

Microsoft كومپانياسىن قۇرعان بيلل گەيتس «الەمنىڭ ەڭ باي ميللياردەرى» مارتەبەسىن قايتارىپ الدى. ونىڭ كاپيتالى 77 ميلليارد دوللار دەپ باعالانادى. 

گەيتستىڭ ءىزىن باسىپ،  Zara كومپانياسىنىڭ نەگىزىن قالاعان امانسيو ورتەگا تۇر. ورتەگانىڭ بارلىق اقشاسى 67 ملرد دوللاردى قۇراعان. ينۆەستور ۋوررەن باففەت العاشقى ۇشتىكتى تولىقتىرىپ تۇر.

الەمنىڭ ەڭ باي ادامدارىنىڭ تىزىمىندە بەس قازاقستاندىق تا بار. بەسەۋى دە – بىلتىرعى تىزىمگە كىرگەن ادامدار.

2016 جىلعى رەيتينگتىڭ 771 ورىنا ايگىلى بيزنەسمەن بولات وتەمۇراتوۆ جايعاسقان. Forbes ىسكەرلىك جۋرنالى  ەسەبى بويىنشا وتەمۇراتوۆتىڭ جەكە كاپيتالى – 2,3 ميلليارد دوللاردى قۇرايدى. بىلتىرعى جىلى وتەمۇراتوۆ مىرزا بۇل ءتىزىمنىڭ 714 ساتىسىندا بولعان. قازاقستان پرەزيدەنتىنىڭ بۇرىنعى ءىس باسقارۋشىسىنىڭ جيناعى بىلتىرعى جىلمە سالىستىرعاندا 300 ميلليونعا كەمىگەن.

قازاقستان پرەزيدەنتىنىڭ قىزى مەن كۇيەۋبالاسىنىڭ كاپيتالى تۇپ-تۋرا 4 ميلليارد دوللار ەكەن. تيمۋر جانە دينارا قۇلىباەۆتاردىڭ ارقايسىسىنىڭ قورى 2 ميللياردتان دەپ باعالانعان.

Forbes تىزىمىنە بىلتىر دا ەنگەن قازاقستاننىڭ ءۇشىنشى باي ادامى – ءادىلجان يبراگيموۆ.

ERG (بۇرىنعىENRC) يەسى ءبىر جىلدا 700 ميلليون دوللار شىعىنعا باتىپ، العاشقى مىڭدىقتان شىعىپ قالعان. يبراگيموۆتىڭ بۇل تىزىمدەگى ورنى – 1198 بولسا، جىلدار بويى ەڭبەكتەنىپ جيناعان سىباعاسى-1,5 ميلليارد دوللاردى قۇراپتى. يبراگيموۆپەن ءبىر ساتىنى بولىسكەن تاعى ءبىر قازاقستاندىق- ۆلاديمير كيم.  مىس ماگناتى كيم مىرزانىڭ كاپيتالى 1,5 ميلليارد دوللاردى قۇراعان.

ءتۇيىن: ءبىر جارنامادا ءبىر جاس قىز: ء«بىزدىڭ شاشىمىز – ءبىزدىڭ ماقتانىشىمىز، ءيا، ماما» دەگەن ەپيزود بار. «Forbes» جۋرنالىنا ەنگەن وتانداستارىمىز – ءبىزدىڭ ماقتانىشىمىز با، باعىمىز با، الدە سورىمىز با؟ بۇل تۋرالى باجايلاۋ ءۇشىن ەكونوميكالىق ءارى تەولوگيالىق زەرتتەۋ جۇرگىزۋ كەرەك-اق. سوندىقتان «Forbes» جۋرنالىنا ەنگەن قازاقستاندىق وليگارحتاردىڭ قالتاسىنداعى سومانى ساناپ، اتىن اتاپ، ءتۇسىن تۇستەۋمەن شەكتەلۋدى ءجون كورىپ وتىرمىز.  «ارعى جاعىن ايتپايمىن، ءىشىڭ ءبىلسىن ءالۋ-ءاي» دەگەندى ءدوپ وسى جەردە قولدانۋدى ورىندى دەپ ويلايمىز.

نۇرگەلدى ابدىعانيۇلى

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 666
الاشوردا

قوجانوۆ مەجەلەۋ ناۋقانىندا

بەيبىت قويشىباەۆ 490
عيبىرات

قايسار رۋحتى عازيز جان

مۇحتار قۇل-مۇحاممەد 1018