جەكسەنبى, 23 قاڭتار 2022
جاڭالىقتار 2921 0 پىكىر 3 ناۋرىز, 2016 ساعات 09:07

نازارباەۆ سيرياداعى ءبىتىمدى تولىق ساقتاۋعا شاقىردى

سيريادا قاقتىعىستى توقتاتۋ رەجيمى 27 اقپانعا قاراعان ءتۇنى كۇشىنە ەنگەن.

پرەزيدەنتتىڭ ءباسپاسوز قىزمەتىنىڭ حابارلاۋىنشا، ديپلوماتيالىق ميسسيا جەتەكشىلەرىمەن كەزدەسۋدە سويلەگەن نازارباەۆ سيرياداعى قاقتىعىستىڭ تەرىس سالدارى "ايماقتان تىس الىسقا اسەر ەتىپ جاتقانىن" ايتتى.

ء"بىز رەسەي مەن اقش اراسىندا سيريادا قاقتىعىستى توقتاتۋ تۋرالى كەلىسىم جاسالعانىن دۇرىس كورەمىز. قاقتىعىسقا تارتىلعان بارلىق تاراپتاردى كەلىسىمدى تولىق ورىنداۋعا شاقىرامىز. مۇنىڭ قاقتىعىستى ۇزاق مەرزىمگە ساياسي جولمەن رەتتەۋگە ىقپال ەتەتىنىنە سەنىمدىمىز" دەگەن نازارباەۆ.

قازاقستان پرەزيدەنتى بۇعان قوسا قازاقستاندا ءالسىز بايىتىلعان ۋران بانكىن ورنالاستىرۋ تۋرالى كەلىسىمنىڭ ماڭىزدىلىعىن دا ايتقان. بانك ورنالاستىرۋ تۋرالى كەلىسىمگە 2015 جىلى تامىزدا استانادا حالىقارالىق اتوم ەنەرگياسى جونىندەگى اگەنتتىكپەن قول قويىلعان. ءالسىز بايىتىلعان ۋران بانكىن وسكەمەندەگى ءۇلبى مەتاللۋرگيالىق زاۋىتىنىڭ تەرريتورياسىنا ورنالاستىرۋ جوسپارلانعان.

اباي-اقپارات

0 پىكىر