جەكسەنبى, 23 قاڭتار 2022
جاڭالىقتار 2947 0 پىكىر 4 ناۋرىز, 2016 ساعات 14:25

ەۋروپا پۋتينگە سيرياعا قاتىستى ۇستانىمىن تۇسىندىرمەك

بۇگىن سيرياداعى اتىستى توقتاتۋعا قاتىستى حالىقارالىق تەلەفون كونفەرەنتسياسى وتپەك.

وعان ۇلىبريتانيا، فرانتسيا، گەرمانيا جانە رەسەيدىڭ باسشىلارى قاتىسادى دەپ كۇتىلۋدە. بريتان پرەمەر-ءمينيسترى دەۆيد كەمەروننىڭ ءباسپاسوز حاتشىسى بۇل كونفەرەنتسيا ەۋروپالىق جەتەكشىلەردىڭ ورتاق كوزقاراستارىن بىلدىرۋگە مۇمكىندىك بەرەدى دەپ سانايدى.

كەمەروننىڭ وكىلدەرى ۇلىبريتانيا، فرانتسيا جانە گەرمانيا رەسەي پرەزيدەنتى ۆلاديمير پۋتينگە سيرياداعى اتىستىڭ توقتاۋى ەڭ الدىمەن سيرياداعى شىنايى ساياسي وزگەرىستەرگە جول اشىلۋى ءۇشىن قاجەتتىگىن تۇسىندىرۋگە تىرىسادى دەپ سانايدى.

وتكەن اپتادا كۇشىنە ەنگەن بىتىمگەرلىك 5 جىل بۇرىن باستالىپ، 270 مىڭ ادامنىڭ ءومىرىن قيعان سيرياداعى ازامات سوعىسىنداعى ەڭ العاشقى ۇلكەن ءۇزىلىس.

رەسەي قولدايتىن سيريا پرەزيدەنتى باشار اسادتىڭ جاقتاستارى مەن وپپوزيتسيا كۇشتەرى اراسىنداعى بىتىمگەرلىكتىڭ "يسلام مەملەكەتى" سەكىلدى تەررورلىق توپتارعا ەش قاتىسى جوق.

اباي-اقپارات

0 پىكىر