بەيسەنبى, 28 ناۋرىز 2024
جاڭالىقتار 4376 0 پىكىر 4 ناۋرىز, 2016 ساعات 14:30

ءسابيدى ولتىرگەن ايەل پۋتيننەن كەك العانىن ايتتى

ماسكەۋدە 4 جاستاعى قىز بالانى ءولتىردى دەپ ايىپتالعان گيۋلچەحرا بوبوكۋلوۆا مۇنى سيريانى بومبالاپ جاتقان رەسەي پرەزيدەنتى ۆلاديمير پۋتيننەن كەك الۋ ءۇشىن ىستەگەنىن ايتتى.

YouTube بەينەقىزمەتىندە پايدا بولعان جازبادا: "پۋتين ۇشاقتارمەن بومبالاپ جاتىر", – دەگەن ايەل، اۋە سوققىسىنان ولگەندەر اراسىندا بالالاردىڭ كوپ ەكەنىن ايتىپ وتەدى.

بوبوكۋلوۆا بالانى ءولتىرۋ ويىنىڭ قاشان پايدا بولعانىنا قاتىستى سۇراققا: ء"بىر اي بۇرىن عانا. قاراسام، بومبالار جارىلىپ جاتىر…", - دەپ جاۋاپ بەرگەن.

رەسەي پرەزيدەنتىنىڭ ءباسپاسوز حاتشىسى دميتري پەسكوۆ بوبوكۋلوۆانى "ەسى دۇرىس ەمەس" دەپ اتادى. سونىمەن بىرگە ول تەرگەۋ اياقتالعانعا دەيىن ايەلدىڭ نەگە بۇلاي ىستەگەنىنىڭ سەبەبى تۋرالى قورىتىندى جاساماۋعا شاقىردى.

گيۋلچەحرا بوبوكۋلوۆا 29 اقپاندا ماسكەۋدەگى مەترونىڭ "وكتيابرسكوە پولە" ستانساسىندا بالانىڭ كەسىلگەن باسىن ۇستاپ جۇرگەن جەرىنەن تۇتقىندالدى. تەرگەۋشىلەر ايەلدىڭ ءوزى كۇتۋشىسى بولعان 4 جاستاعى قىزدىڭ باسىن كەسىپ، پاتەردى ورتەگەنىن انىقتادى. بوبوكۋلوۆا وسىلاي ىستەگەنىن مويىنداپ وتىر. باق دەرەكتەرى بويىنشا ايەل شيزوفرەنياعا شالدىققان.

سوت بوبوكۋلوۆانى ەكى ايعا قاماۋعا الدى. 4 ناۋرىزدا وعان كىسى ءولتىرۋ، ورتەۋ جانە تەررورلىق شابۋىل تۋرالى جالعان اقپار تاراتۋ بويىنشا ايىپ تاعىلادى دەپ كۇتىلۋدە.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3525