استاناداعى "سارىارقا" ۆەلوترەگىندە ءوتىپ جاتقان "نۇر وتان" پارتياسى جاقتاستارىنىڭ فورۋمى بارىسىندا ەلباسى نۇرسۇلتان نازارباەۆ سايلاۋدىڭ قورتىندىسى جايلى پىكىرىن ءبىلدىردى.

"كەشە ءبىز جەڭىسكە جەتتىك. قازاقستاندىق بۇكىل كوپۇلتتى حالىق جەڭىسكە جەتتى. قازىر عانا قحا سايلاۋى ءوتتى. قازاقستاندىقتاردىڭ 77 پايىزى قاتىستى - بۇل رەكورد. نۇر وتان سايلاۋشىلار داۋىسىنىڭ 82 پايىزىنا يە بولدى بۇل رەكورد", - دەدى نازارباەۆ.

ول قازاقستاندىقتارعا ولاردىڭ قولداۋى مەن بىرلىگى ءۇشىن العىس ايتتى.

ء"بىز ءبىرتۇتاس ەكەنىمىزدى، كەز كەلگەن قيىندىقتى جەڭە الاتىنىمىزدى كورسەتتىك. (...) بۇل تاۋەلسىزدىكتىڭ 25 جىلدىعىنداعى دەموكراتيامىزدىڭ ۇلى جەتىستىگى", - دەدى مەملەكەت باسشىسى فورۋمدا.

ەسكە سالا كەتەيىك، سايلاۋ 20 ناۋرىزدا 9840 ۋچاسكەدە ءوتتى، ولاردىڭ 65-ءى شەتەلدەردەگى قر وكىلدىكتەرىندە اشىلعان. سايلاۋشىلاردىڭ تىزىمىنە 9 791 165 كىردى. 7 ميلليون 500 مىڭ قازاقستاندىق داۋىس بەردى. الدىن الا مالىمەت بويىنشا، قازاقستاندىقتاردىڭ 77,1 پايىزى داۋىس بەرگەن.

قر وسك مالىمەتىنشە، ءۇش ساياسي پارتيا: "نۇر وتان", قكحپ جانە "اق جول" 7 پايىزدان جوعارى داۋىس جينادى.

ناقتى دەرەكتەرگە سۇيەنسەك، سايلاۋ قورىتىندىسى بويىنشا، «نۇر وتان» پارتياسىنا  82,15, قازاقستان كوممۋنيستىك حالىق پارتياسىنا  7,14, قازاقستاننىڭ «اق جول» دەموكراتيالىق پارتياسىنا  7,18, «بىرلىك» ساياسي پارتياسىنا  0,29,  جالپىۇلتتىق سوتسيال-دەموكراتيالىق پارتياعا  1,18, «اۋىل» حالىقتىق-دەموكراتيالىق پارتيوتتىق پارتياسىنا  2 پايىز سايلاۋشىلاردىڭ داۋىسى بەرىلگەن.

بۇل سايلاۋدىڭ قورتىندىسى وتكەن سايلاۋ قورتىندىسىنان الشاق كەتە قويعان جوق. 

ول كەزدە ناتيجە مىنانداي بولعان.

«نۇر وتان» حالىقتىق دەموكراتيالىق پارتياسى 5621436 داۋىس نەمەسە داۋىس بەرۋگە قاتىسقان سايلاۋشىلار داۋىستارىنىڭ 80,99 پروتسەنتى;
قازاقستان پاتريوتتارى پارتياسى 57732 داۋىس نەمەسە داۋىس بەرۋگە قاتىسقان سايلاۋشىلار داۋىستارىنىڭ 0,83 پروتسەنتى;
قازاقستاننىڭ «اق جول» دەموكراتيالىق پارتياسى 518405 داۋىس نەمەسە داۋىس بەرۋگە قاتىسقان سايلاۋشىلار داۋىستارىنىڭ 7,47 پروتسەنتى;
جالپىۇلتتىق سوتسيال-دەموكراتيالىق پارتيا 116534 داۋىس نەمەسە داۋىس بەرۋگە قاتىسقان سايلاۋشىلار داۋىستارىنىڭ 1,68 پروتسەنتى;
قازاقستان كوممۋنيستىك حالىق پارتياسى 498788 داۋىس نەمەسە داۋىس بەرۋگە قاتىسقان سايلاۋشىلار داۋىستارىنىڭ 7,19 پروتسەنتى;
قازاقستان سوتسيال-دەموكراتيالىق «اۋىل» پارتياسى 82623 داۋىس نەمەسە داۋىس بەرۋگە قاتىسقان سايلاۋشىلار داۋىستارىنىڭ 1,19 پروتسەنتى;
«ادىلەت» دەموكراتيالىق پارتياسى 45702 داۋىس نەمەسە داۋىس بەرۋگە قاتىسقان سايلاۋشىلار داۋىستارىنىڭ 0,66 پروتسەنتى.

2. پارتيالىق تىزىمدەرگە داۋىس بەرۋدىڭ قورىتىندىلارى بويىنشا دەپۋتاتتىق مانداتتار تومەندەگىشە ءبولىندى:
«نۇر وتان» حالىقتىق دەموكراتيالىق پارتياسى - 83
قازاقستاننىڭ «اق جول» دەموكراتيالىق پارتياسى - 8
قازاقستان كوممۋنيستىك حالىق پارتياسى - 7.

قوش. بۇگىن قازاقستان حالقى اسسامبلەياسى اتىنان سايلاناتىن كانديداتتار ءۇشىن داۋىس بەرۋدى اياقتادى.

«سايلاۋشىلاردىڭ جالپى سانى - 446 ادام. سايلاۋ بيۋللەتەندەرىن العان سايلاۋشىلاردىڭ سانى - 372. داۋىس بەرۋگە 372 سايلاۋشى قاتىستى. ۇمىتكەرلەرگە بەرىلگەن داۋىستاردىڭ سانى كەلەسىدەي: ءابدراxمانوۆ ساۋىتبەك ءابدراxمانۇلى - 345, بوجكو ۆلاديمير كارپوۆيچ - 349, جۇمادىلداەۆا ناتاليا ۆاسيلەۆنا - 343, كيم رومان ۋحەنوۆيچ - 346, ميكاەليان نارينە گاملەتوۆنا - 336, مۋرادوۆ احمەد سەيداراحمانوۆيچ - 339, نۋرۋموۆ شايماردان ۋساينوۆيچ - 337, تيموششەنكو يۋري ەۆگەنەۆيچ - 341, حاحازوۆ شاكير حۋساينوۆيچ - 342»، - دەلىنگەن استانا قالالىق سايلاۋ كوميسسياسىنىڭ xاتتاماسىندا.  «قر سايلاۋ تۋرالى» قر كونستيتۋتسيالىق زاڭىنىڭ 94-1 - بابىنا سايكەس، قحا سايلايتىن قر پارلامەنتى ءماجىلىسىنىڭ دەپۋتاتتارىن سايلاۋ ناتيجەلەرى قر ورتالىق سايلاۋ كوميسسياسىنا جولدانادى. قر پارلامەنتى ءماجىلىسىنىڭ دەپۋتاتتىعىنا سايلانعان ۇمىتكەرلەردىڭ ءتىزىمىن ورتالىق سايلاۋ كوميسسياسى 27 ناۋرىزعا دەيىن جاريالاۋى ءتيىس.

Abai.kz