نازارباەۆ مەكتەپتەردە بەسكۇندىك وقۋ ستاندارتىن ەنگىزۋ ماسەلەسىن تالقىلاۋدى تاپسىردى، - دەپ حابارلايدى Tengrinews.kzء تىلشىسى. مەملەكەت باسشىسى بۇل تۋرالى پارلامەنت پالاتالارى دەپۋتاتتارىنىڭ بىرلەسكەن وتىرىسى بارىسىندا مالىمدەدى.

"دامىعان ەلدەردىڭ مەكتەپتەرىندە بەسكۇندىك وقۋ اپتاسى ەنگىزىلگەن. بۇل بالانىڭ قايتادان قالپىنا كەلىپ، پەداگوگتىڭ دەمالىپ، ساباققا دايىندالۋىنا مۇمكىندىك بەرەدى. ولاردىڭ كەيبىرىندە، ءتىپتى، ساباق اپتاسىنا ءتورت كۇن عانا بولادى. مۇنداي فورماتقا ءوتۋ - دامىعان ەلدەرگە ورتاق ترەند. عالىمدار دا وقۋ اپتاسىن قىسقارتۋ ءبىلىم الۋ ناتيجەلى ەتەتىنىن عىلىمي تۇرعىدا دالەلدەدى. بىزگە دە وسى تاجىريبەنى ەنگىزۋ كەرەك. ءبىلىم جانە عىلىم مينيسترلىگى ەڭ قۇرعاندا باستاۋىش مەكتەپتەرگە وسىنداي جۇيەنى ەنگىزۋ كەرەك", - دەدى نۇرسۇلتان نازارباەۆ. ول مۇنىڭ وڭاي ءىس ەمەس ەكەنىن، دەگەنمەن بۇل ماسەلەنى قالاي دا قولعا الۋ كەرەكتىگىن جەتكىزدى.

سونىمەن قاتار، مەملەكەت باسشىسى ەلىمىزدەگى بارلىق مەكتەپتە ينتەرنەتتىڭ ۇنەمى جۇمىس ىستەپ تۇرۋىن قامتاماسىز ەتۋدى تاپسىردى.

Aباي-اقپارات